Яшел суган һәм күкәйдән ясалган пирог

Камыр өчен:

Кефир – 300 гр.;

Каймак – 200 гр.;

Күкәй – 4 данә;

Тоз – 0,5 чәй кашыгы;

Он – 300 гр.;

Күперткеч – 20 гр.

Эчлек өчен:

Яшел суган – 200 гр.;

Пешкән күкәй – 5 данә;

1 аш кашыгы каймак (яисә йогырт);

Тәменчә тоз, борыч.

Пирогның өстен майлау өчен:

Бер күкәй сарысы;

1 аш кашыгы каймак (яисә йогырт)

Теләгәнчә тмин һәм көнҗет орлыгы

Табаның диаметры 24 см.

Әзерләү ысулы:

Кефирны, каймакны, күкәйне һәм тозны бергә кушып бутарга, аннан соң он һәм күперткеч өстәргә.

Яшел суган белән күкәйне вак итеп турарга, каймак, тоз һәм борыч салырга.

Табага пергамент кәгазен җәяргә, камырның яртысын табага салырга, аннан эчлекне салырга һәм соңыннан калган камырны эчлек өстенә тигезләп җәяргә. Пирог өстенә көнҗет һәм тмин орлыгын сибәргә,

180 градуска кадәр җылытылган духовкада 1 сәгать пешерергә.