Мәүлидкә багышланган мөнәҗәт
Әүвәл Аллаһ исемен зикер итәем
Соңра башлап һәр эшкә керешәем!
Эш башында кем аны зикер итәр
Ул эшен Аллаһ аңа ансат итәр.
Аллаһ исемен зикер итеп эш башламак
Һәркемгә ваҗип тиештер аңламак
Булсын Аллаһ исеме белән һәр эшең
Бушка китмәс эшләгән һәрбер эшең!
Шул илә Аллаһ дисә кемнең теле
Барча гөнаһы түгел яфрак кебек.
Пакъ булыр Аллаһ исемен зикер иткән
Ирешер максатына Аллаһ дигән.
Килегез чын күңелдән Аллаһ диеп
Күзләрдән яшьләр түгеп без ах итик.
Шулай итсәк буш куймас Аллаһ безне
Рәхмәте киң, ярлыкар һәммәбезне.
Бердер Аллаһ, берлегенә шөбһә юк
Диде Әминә вакыт җитте тәмам,
Килә инде дөньяга хәйрел – әнәм.
Эсселектән сусадым гаять каты
Шул вакыт эчерделәр бер ширбәт.
Ап-ак иде кардан да салкын иде
Бу дөньяда һич юк иде.
Эчтем аны барлык әгъзам булды нур
Эчмәгән тышым атылды нур
Килде бер аккош канаты очып
Аркамнан ул сыйпады монда төшеп.
Тулды шул сәгатьтә султан иле
Нурга тулды бар сәмәват – зәмин (күкләр – җир)
Әгәр шәфәгать кирәк исә эзләгез,
Ул Расүлнең сөннәтеннән бизмәгез.
И-и, Мөхәммәд Мостафа син, ий Расүл,
Кыл шәфәгать безләргә яүмүн-нүзүл (Кыямәт көн).
Ул рәсемнең сүрәтеннән бизмәгез.
Әс-саләәтү үәсәләтү, гәләйкә йә Расүла-Ллаһ. Уәс-сәләтү вәс-сәләмү гәләйкә йә нәби Аллаһ. Әс-саләәтү үәс-сәләәмү гәләйкә йә хәбиб Аллаһ. Уәс-сәләтү вәс-сәләәмү гәләйкә йә хайрәл-халкый-Лләһ. Уәс-сәләтү вәс-сәләәмү гәләйкә йә Шәфигәл-мөслимин. Уәс-сәләтү вәс-сәләәмү гәләйкә йә сәйидәл-әүвәлин вә ахирин. Лә иләәһәл-гааләмиин.
