Дога кылса онык-улыгыз
Дога кылса онык-улыгыз
Иляһым, юлдаш әйлә иманымны,
Кабул әйлә кылган догаларымны.
Безләрдә һичбер юктыр яман ният,
Иляһым, кыл барчабызга гыйнаять.
Иляһым, изгелектән тайпылдырма,
Барчабызны гөнаһ юлыннан сакла.
Иляһым, рәхмәтеңдә булсак иде,
Кодрәтең зур, ярлыка һәммәбезне.
И кардәшләр, телим сезгә теләкләр
Бу теләкләр барчабызга кирәктер.
Киң күңелле һәм намуслы булыгыз,
Туры сүзле, ышанычлы, риясыз.
Иляһым, изгелектән тайпылдырма,
Барчабызны гөнаһ юлыннан сакла.
Изгелектә булса яшәр юлыгыз,
Дога кылыр һәрбер онык-улыгыз.
