КЪУРАГЬССА ШИН

КЪУРАГЬССА ШИН

КЪУРАГЬССА ШИН

Гьижралул 17-ку шинал Маккалив гъараллу къалачIлай къурагьшиву хьуну диркIссар. ЧIявусса асхIабтуран ккаши бухIан захIмат хъанай бивкIссар. Му заманнай халифну ивкIсса Оьмар-асхIабнал му чIумал дикI дурагу къадукайсса диркIссар, так дахьва бархI тIайла бацIан бувансса кьувват бикIаншиврул чанкьансса дукра дакъасса.

Халифгу, мунащал архIалмигу бувккун кьатIув дуаь дуллан бивкIссар Идавсил ﷺ буттауссу АьббаслуйхчIин. Билал-асхIаб Идавсил ﷺ гьаттачIан лавгун увкуссар: «Я Расулаллагь, вилва умматран кумаг бува!» - куну. Му хьхьуну БилаллучIан макIра Идавс ﷺ увкIун увкуссар: «ЧIал къавхьуну гъарал лачIунтIиссар, насу ОьмардучIан, ттуяту ссаламгу буси, яла уча: «Ина аькьлу буну икIан аьркинссара, аькьлу буну икIан аьркинссара!». Гьунттимур кьини кIюрххил Билал ибну ХIарис лавгун Оьмар-асхIабначIан бувсун бур цанма ккавкмур.

Яла Оьмардул мизитраву асхIабтал бавтIун гайннахь бувсун бур Билаллун макIра Идавс ﷺ ккавкшиву ва ганал увкумур. Яла цIувххуну бур: «Ина аькьлу буну икIан аьркинссара тIисса мукъурттива зун ци бувчIай?» - куну. Гайннал увкуну бур: «Жул пикрилий, жува кьатIув бувккун гъарал чIа учин аьркинни» - куну. Яла Оьмар гайми асхIабтуращал кьатIув увккун, гъарал чIа учаврил чакгу бувну, хутIбагу бувну дуаь дурссар. ОьмарасхIабнал дуаь дуллалисса чIумал Аьббаслул ххирашиврухлуну чIа увкуссар. Муссят гъаралгу ларчIссар. Мукун къуртал хьуссар къурагьсса шин.

КЬУРБАН МУСАЕВ

2026-09-01 (Рабиуль-Авваль 1448 ш.) №9.


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...


Суал-жаваб

ХIан даххайсса тучандалуву бухгалтерну зун бучIиссарив? Мукунсса тучаннаву ва цаймигу хIанттия хайр ласласисса идарарттаву бухгалтерну ягу цайми къуллугъирттай зун ихтияр дакъассар, хIарамссар. Мунинсса далилнугу хъанахъиссар хIанттиха зузисса инсантурал ацIва журалий Идавсил ﷺ нааьна дурсса, имам...


Хъинсса тIул-тIабиаьтраясса калимарду

Хъинсса тIул-тIабиаьтран хас бувну буссар тамансса, мусил багьасса махъру. Шикку чичинну миннувасса цаппара, гъафлатравун дахьларгсса дакIру кIукIлу хьуну, хъинсса тIуллу дуллан кIункIу дуваншиврул:   МухIаммад Идавсихь ﷺ цIувххуссар: «Бусурманнава цала диндалуву яла узданма...


Аькьлукартурал махъру

МухIаммад Идавсил ﷺ асхIаб Аьбдуллагь ибн Масъоьдлул увкуну бур: «Халкьуннал учай ххаллилсса махъру. Махъру ва тIуллу цасса инсанни талихIрайн уккантIисса. Махъру тIуллаха къалавхьхьума – аьй дуван лайкь хьумари».   Аьбдуллагь ибн Аьмрдухьхьун ца инсаннал буллуссар джигьадрал хIакъиравусса суал....