Бан-бит бакъасса чIумал дуккайсса дуаьрду
Бан-бит бакъасса чIумал дуккайсса дуаьрду
Инсаннал оьрмулуву шай личIи-личIисса, ххарисса ва пашмансса ишру. Кьуръандалувугу бувсун бур гьарца инсан захIматшивурттайну ххал уваншиву, аммарив кIицI лавгун бур бухIан къашайсса бала инсаннайн ликкан къабайшиву. Гьарца захIматсса иширава буккансса къапу бакъа́ къабикIайссар, так му лякъинни аьркинсса. Банмур-битанмур бакъа ливчIсса кунма чIалачIисса чIумалгу дакIнихтуну Аллагьнайн ﷻ лабизларча, бигьашиву шайссар.
Шикку чичинну захIмасса тагьар бигьа даншиврул дуккайсса цаппара дуаьрду.
رَبِّ يَسِّرْ وَلَا تُعَسِّرْ وَ تَمِمْ بِالْخَيْر
«Рабби яссир ва ля́ туаьссир. Рабби таммин биль-хайр».
«Я Аллагь, захIмат мабав, бигьа бува. Ва иш хъинмунийн буккан ба!»
إِنَّا للهِ وَإِنَا إِلَـيْهِ راجِعُونَ، اللَّهُـمَّ اْجُـرْنِي فِي مُصِـيبَتِي، وَاخْلُـفْ لِي خَيْـراً مِنْـهَا
«Инна́ лиЛля́гьи ва инна́ иляйгьи ра́жиоьн! Алла́гьумма-джурни́ фи́ муси́бати́ вахлюф ли́ хайран мингьа́».
«Жува Аллагьнаятуру ва АллагьначIан зана бикIантIиссару. Я Аллагь, ва захIматшиву сасавну ттуйн чири биян бува, захIматшиврун кIанай бигьашиву дула».
اللّهُـمَّ لا سَـهْلَ إِلاّ ما جَعَلـتَهُ سَهـلاً، وَأَنْتَ تَجْـعَلُ الْحَـزْنَ إِذا شِـئْتَ سَهـْلاً
«Алла́гьумма, ля́ сагьля илля́ ма́ жааьльта-гьу́ сагьлян, ва Анта тажъаьлю-ль-хIазна иза́ шиъта сагьлян».
«Я Аллагь, Ина бигьа дурмур дакъа бигьа къашайссар. Винма ччан бикIарча Ина ва захIматшивугу бигьа дантIиссар».
اللهم لا مانع لما أعطيت ، ولا معطي لما منعت
«Алла́гьумма ля́ ма́ниаь лима́ аътIайта ва ля́ муътIия лима́ манаъта».
«Я Аллагь, Ина дуллалимунихун ахчин шайсса цучIав акъассар. Вин къаччимур дулун шайссагу цучIав акъассар».
يَا حَيُّ يَا قَيُّومُ بِرَحْمَتِكَ أستَغِيثُ
«Я ХIаййю, я Кьаййу́му, би-рахIматика астагъи́су».
«Я жул Зал, Вил рахIмулийн хьул бивхьуну кумаг чIа тIий ура!»
رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا
«Раббана́ а́тина́ мин лядунка рахIматан ва гьаййъ ляна́ мин амрина́ рашада́».
«Я Рабби, Вила ЦIими бивхьуну, жул ишру хъинмур куццуй щаллу хьун бува!»
لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدَ، وَهُوَ عَلَى كُلِّ شَيْءٍ قَدِيرٌ سُبْحَانَ اللهِ، وَالْحَمْدُ للهِ، ولَا إِلَهَ إِلَّا اللهُ، وَاللهُ أَكْبَرُ، وَلَا حَوْلَ وَلَا قُوَّةَ إِلَّا بِاللهِ العَلِيِّ الْعَظيِمِ، ربِّ اغْفِرلِي
«Ля́ иля́гьа илляЛла́гьу, вахIдагьу́ ля́ шари́ка лягьу́, лягьуль-мульку ва лягьуль-хIамду ва гьува аьля́ кулли шайин къади́р. СубхIанаЛла́гьи валь-хIамду лиЛля́хи ва ля́ иля́гьа илляЛла́гьу ваЛла́гьу акбар. Ля́ хIавля ва ля кьуввата илля́ билля́гьиль аьлийиль-аьзим, рабби-гъфирли́».
«Аллагь ﷻ акъа цама зал акъассар, Ца цувалуссар, гьалмахчу-кумагчи акъассар, цимурцаннул Заллур, Цайнни щукру ва цIа даву, гьарзадрал ялув Кьудрат думанайн. Аллагь ﷻ марцIссар цинярда лайкь дакъасса диялдакъашивурттая. Аллагьнайн ﷻ щукру. Аллагь ﷻ акъа цама заллу-зал акъассар. Аллагь ﷻ яла Бюхттулмари. Кьуват ва гуж так Бюхттулсса Аллагьнаятури ﷻ. Я Рабби, на багъишла ити».
АхIмад Кьурбанов
