ХIажлив – уква

Май зурул 13-нний жула республикалул циняв районнай ва шагьрурдай хьунни Сулейман Керимов лул дуллусса путевкардал кIунтти буккаву. Гьашину каши дакъаминнан уква хIажлив гьан ита даркьуну дия 1000 путевка. Ми щала республикалул районнайх ва шагьрурдайх дарчIуну, кIунтти бувккун личIи ду рунни. Арамтурал ва хъан нил дянив кIунтти буклай бия личIи-личIину.

Мукунсса жеребьевкарду хьунни лакрал жяматравугу – шанмагу райондалий.

Лакрал райондалий гьуртту хьунни 15 адимина ва 9 хъамитайпа. Вайннава мубараксса аьрщарайн гьан талихI хьунни Ххюлусматусса Аьлишаев Аьлин ва Аьлишаев Исламлун, ГьунчIукьатIатусса Штанчаева Марияннул ва Гъумучатусса Мурадова Аслиматлул. КIунтти буккаврий каялушиву дуллай бия: Лакрал райондалул имам МухIаммад Ссаламов, Гъази-Гъумучиял имам Ансар Сулайманов, ГьунчIукьатIал имам Шагьабуттин Кушиев ва жяматрал вакилтал.

Ккулал райондалий заявкарду дуллуну дия 8 адиминал ва 5 хъамитайпалул. Миннава ХIаж буван нясив хьунни ЦIуйшатусса ПаттахIов Гъазималиклун, Ккулатусса Исупаев АхIмад ва ЦIуйшатусса Рашидова Маликатлун. Каялувшиву дуллай бия: райондалул имам МухIаммад-маннар Бариев, Ваччиял имам ДибирхIажи Рамазанов ва администрациялул зузала Кьурбан Курбайтаев.

ЦIуминалийсса ЦIуссалакрал райондалий кIунтту буккавриву гьурттушин дуруна 27 адиминал ва 16 хъамитайпалул. Путевкарду дурххуна ЦIуссачIурттащатусса Каравалиев Саидлул, ЦIуссакулатусса Кьурбанов Аьбдуллул ва Оьмарова Раисатлул, ДучIиясса Оьмаров Артурдул ва ЦIуссалакрал шяраватусса Рамазанова Нажаватлул. Жеребьевка тIайлану даврил ялув бавцIуну бия: Новостройрал имам Мансур Хаваев, ЦIуссалакрал шяраваллил имам ХIасан МухIаммадов, Гьамиящиял имам ГьитIинмухIаммад МухIаммадов, ЦIуссаккулал имам ШайхахIмад Мажидов.

Му бакъассагу, Ахъушиял райондалий путевка дурххуну дур Уручлатусса хъамитайпалул. Цинугу лакрал милатрава Керимовлул путевкардай ХIажлив гьантIссар 7 адимина ва 6 хъамитайпа. Кьамул хьунсса куццуй хIажгу бувну сагъну-саламатну зана бикIан нясив баннав Аллагьнал!