МАВЛУДРАЛ АДАВ

МАВЛУДРАЛ АДАВ

МАВЛУДРАЛ АДАВ

1. ДакIниву марцIсса нанижат дикIан аьркинссар, диндалул мажлисраву гьуртту хьун, Мухаммад Идавсил ﷺ оьрмулия кIул буван, салават дутан, зикри бишин, Кьуръан буккин, Заннаха эбадат дуван. Дукра дукансса, аьлахъансса мурадрал зия дурсса нанижат дикIан къабучIиссар.

2. Мавлудрай щябикIаннин чаклин бивссуну, марцIсса янна ларххун, тIааьнсса кьанкьгу дурну хъинссар.

3. Мавлудраву бусласимуних хъинну хIисав ларсун вичIи дишин аьркинссар.

4. Мавлудрай хъами ва арамтал хIалану щябикIан къабучIиссар.

5. Хъаннил янна барткару ва лажин личIаннин щалва чурх бахьлаган буллалисса дикIан аьркинссар. Акъахьурча, барачат къабикIантIиссар, хIатта мукунсса хъами бунагьравун багьлагьиссар.

6. Мавлудрал хIадуршинна гьарцаннал цала кашилух бурувгун дуван аьркинссар, каши дакъаманал мунил цIаний буржру буллан аьркиншиву дакъассар..

7. Мавлуд дуван яла хъинмур чIун – МухIаммад Идавс ﷺ увсса барз ва кьини духьурчагу, цамур чIумал дуккин къабучIисса ххай бикIан къабучIиссар, мудангу дурну хъинссар.

8. Мавлуд дуккаврийну Аллагьнал ﷻ инсаннай бивхьусса фаризартту (чак, зума ва м.ц.) яла лагайсса ххай бикIан къабучIиссар. Мавлудрай буруча куну чак личIан буван цукунчIавсса ихтияр дакъассар.

9. Мавлуд халкьуннал аьй къадуваншиврул, махъ къаучиншиврул, ккаккиялун дурну къахъинссар.

10. КIива-шанма мазрай дуккин бучIиссар, масъала, аьраб мазрай ва лакку мазрай.

МУСЛИМ МУСЛИМОВ

2026-08-01 (Сафар 1448 ш.) №8.


Вихьлив оьрчIру ттуплий бувккунни

Вихьлив хьунни Ккуллал райондалий дарсирдайн мизитирттавун бучIайсса оьрчIал дянивсса футболданул турнир.   Ванил агьаммур мурад бия оьрчIал дянивсса дусшиву цIакь даву ва спортрах гъира бутаву. Турнирданул сиптачиталну бувккунни «Ккуллал райондалул жагьилтал» тIисса ккурандалул каялувчи...


Мурахас хьусса цучIав акъассар

Инсан цуксса дин дусса, иман цIакьсса ухьурчагу, оьрму щаллу буваншиврул ганан чара бакъа аьркинссар лякъин хъус, дукия, цува дузал увансса маэшат буллан. Цува ва цала кулпат щаллу баву – цумацагу бусурманчунал буржри, чак, зума ва цаймигу диндалул тIалавшиннарду куннасса.   Дунияллул...


МухIаммад Идавсил ﷺ оьрмулия

Идавс ﷺ дунияллийн увкун, мунал ниттин Аминатлун ккарккун дур муная нанисса нур, лагмамур чаннагу дурну марцI дуккан дуллалисса.   Ца ппурттуву чIавасса МухIаммад ﷺ оьрчIащал тIуркIу тIий уна, муначIан увкIун малаик Жабраил, тIитIин бувну Идавсил ﷺ хъазам, мунал къюкI мусил тIясраву зам-зам...


Бархъаллал Маллайл шеъри

"Мажму́аьтул-аьша́р" тIисса луттирава. Бишлашиссар луттираву бусса куццуй.     Бисмиллягьи-ррахIмани-ррахIим.   МарцIну вичIи дишара, я диндалул уссурвал, Жула Сайид Идавсил сиярдалул бусаннин. Арулдагу лухччигу, арулдагу ссавругу Цахлуну ляхъан дурсса ХIабибуллагь...


Къатлуву барачат

Бур ца-цавай къатри, личIину авадансса ва хъуслил бувцIусса бакъахьурчагу, гиву бигьану ссихI ласун шайсса, дакI дигьа лагайсса. Гивун буххайхту кIул шай: шиву рахIатшиву, барачат, гъелишиву дур. Мукунма, хьунабакьай цаймигу – ххирасса хъус-кьайлул бувцIусса, марцIшиврул пар-пар тIисса, амма...