НицIавкIратусса щейх Сайфуллагь-Кьадинал насихIатру

НицIавкIратусса щейх Сайфуллагь-Кьадинал насихIатру

НицIавкIратусса щейх Сайфуллагь-Кьадинал насихIатру
  • Заннал зунма нясив бувсса неъматирттайн щукрулий бикIи. Щукру баву – неъматру гьарза шаврил сававну шайссар.
  • Щак бакъа, хIакьну Заннайн эбадат даву – му Сунналул ххуллу бугьавури. Мунилли инсан цала гьавасрал (нафрал) лагъшиврула тархъан увайсса.
  • Вила щейхнал амрурду биттур бува, мунал увкумур вила пикрирдахун ва кIулшилухун бакьлай бакъахьурчагу. Цанчирча, мури вил дакIнил хIакин, мунан кIулссар вин къакIулмур.
  • Иман духьурча захIматшиву дакъассар, мютIишиву дакъахьурча бигьашиву дакъассар.
  • Аллагьнал ﷻ цIа кIицI лагаву – зикри – Зал кIул авричIан ияврил дуцин ва Аллагь ﷻ кIул уван яла гъанмур ххуллу, дакIурдин яла хъинмур аьмалну хъанахъиссар. Аллагь ﷻ кIицI лагавунияр лахъсса даража бакъассар.
  • Панасса дунияллул кьимат бакъассар, инсаннал муних къулагас дулланссаксса.
  • Вила напсилун ччимуния махъунай хьуну, Аллагь ﷻ кIицI лагаву гьарза дуллан аьркинссар. ЧIявуну Зал кIицI къалагларча, дакI марцI къашайссар.
  • Дунияллул неъматирттава думуний гьашиву даву – бух къалагайсса ххазинари.
  • Щищал-дунугу дусшиву дуллалиманайн ганаяту чара бакъа ххуйсса ягу оьккисса асар биянтIиссар.
  • Бюхттулшиву (хъуншиву) зулмукаршивруцIун къадакьайссар, хIайп учаву рязишивруцIун къадакьайссар.
  • Ца захIматшиврущал Аллагьнал ﷻ кIира бигьашивугу дулайссар.
  • Дунияллул лазатирттал хъирив агьманах ургаву заралссар, цанчирча мукун Аллагь ﷻ хъама итайссар.
  • Пикрирдавун агьайсса инсаннан мяълумну бувчIинтIиссар гьарзад так Аллагьнал ﷻ ляхъан дурсса душиву.
  • Заннал ляхъан бувсса махлукьатраву инсаннаяр бусравсса ва камилсса зад дакъассар.
  • Аллагьнал ﷻ ххуллий ца кIапIикI харж дуван къаччиманал цала батIулшиннарал, аьвамшиврул ва ахIмакьшиврул цIаний чIярусса харжлугъ дувайссар. Миккун харж дуван му мяш къашайссар.
  • ХIакьсса иман – инсаннал яла агьаммур хъусри.

2026-09-01 (Рабиуль-Авваль 1448 ш.) №9.


Заннайн мютIисса кулпат

Кулпатрал оьрмулуву хъунмасса кIану бугьлагьиссар ласнал ва щарссанил дянивсса дакьаврил (гармониялул). Мунил хъунмур биялагу хъаннихьри. Ва макьалалуву бусанну цаппара маслихIатру, кулпат дакьаврил хIалданийн бучIан баву бигьа дуллалисса, цанчирча, мукунсса кулпатраву паракьатшиву, рахIатшиву ва...


Дуккаву бигьа хьуншиврул

Дайдирхьунни цIусса дуккаврил шин. Жунма кIулсса куццуй, Аллагьнал ﷻ цIа кIицI ларгун, Занная кумаг чIа увкуну дуллалисса давриву лябуккугу, барачатшивугу дикIайшиву. Дуккаву ккалли дуван бучIир ца яла захIматмур даврин. Мунин бувну, ва макьалалуву цачIун дурну дуссар дук-лакисса чIумал дурккуну...


Аькьлукартурал махъру

МухIаммад Идавсил ﷺ асхIаб Аьбдуллагь ибн Масъоьдлул увкуну бур: «Халкьуннал учай ххаллилсса махъру. Махъру ва тIуллу цасса инсанни талихIрайн уккантIисса. Махъру тIуллаха къалавхьхьума – аьй дуван лайкь хьумари».   Аьбдуллагь ибн Аьмрдухьхьун ца инсаннал буллуссар джигьадрал хIакъиравусса суал....


Хъинсса тIул-тIабиаьтраясса калимарду

Хъинсса тIул-тIабиаьтран хас бувну буссар тамансса, мусил багьасса махъру. Шикку чичинну миннувасса цаппара, гъафлатравун дахьларгсса дакIру кIукIлу хьуну, хъинсса тIуллу дуллан кIункIу дуваншиврул:   МухIаммад Идавсихь ﷺ цIувххуссар: «Бусурманнава цала диндалуву яла узданма...


Рабиуль-Авваль зурул мажлис

Рабиуль-Авваль зуруй МухIаммад Идавс ﷺ хъун уллай мавлудру дувайсса аьдат дур бусурманнал дянив. Мукунсса мажлис хьунни августрал 24-нний Гъази-Гъумук. Ванил сиптачиталну бувккунни Лакрал райондалул имам ХIабиб Баталов ва райондалул администрация.   Мажлис бувуна паркраву, байбивхьуна...