Имам Гъазалил насихIатру

Исламрал тарихраву ца яла машгьурма аьлимчу ивкIссар имам МухIаммад Абу ХIамид аль-Гъазали. Ганан ХIужжатуль-Ислам – «Исламрал ХIучча» тIисса ялунцIа дирзун диркIссар. Имамнал луттирду азарда шинал мутталий бусурманнал умматран чаннайн буккансса чаннацIукуну хъанай бур. Шикку чичинну аль-Гъазалил луттирдавасса цаппара насихIатру

• Макьара къагъавгъма уссар гьивхьхьул вирдакIравугу макьара бусса ххай.
• Хъиннува чIявусса шанул инсаннал дакI кьакьан дувайссар, багьайссаксса шану лахъаву хьунтIиссар кашфу (кьюлтIмур) тIитIаврил сававну.
• Винма аьркинмуния гъалгъа тIисса чIумал кьянкьану виламуний ацIу.
• Бусурманчу – чурххал циняв базурду Аллагьная ﷻ нигьа бусан буваймари.
• Уттавами буссар куннал ку букавай зид бувгьугу, гьаттардивумий буссар мукун буллай бикIаврия пашманну.
• Пикри бува: инава ивкIуну махъ ца кьинисса дунияллийн зана икIан ихтияр дуллуссания ци буванссия? ХIакьину муна му кьини дусса куна яхъанахъу.
• Инсаннал сайки шанма гьантлий элмулул луттирду ккаларча, цанма щуркIал къахьурчагу, мунал рувхIанийсса хIал ххуйчулинмай хъинну баххана хьунтIиссар.
• Ва дуниял – ахиратран гъай учайсса хъури.
• ДакIхъуншиву кIунттил дургьума – аьвамсса инсанни.
• Муъминманан ххирассар цувалушиву (Аллагьнащал ﷻ халватшиву).
• Ина ура низам дакъу, дакIнил гъалатIру чIявур, оьрму лаглай, бунагьру чIяву хъанай бур.
• КIулну икIу, инсаннал дакI – къала куннассар, щяйтIан тIурча – ганивун буххан (къала ласун) ччисса душманни.
• Я Аллагь, бивкIу бучIаннин тавба дула, аьвамшиврувун багьарча чантI учин бува, Вила идавстурал паччахIнал – МухIаммадлул ﷺ шафааьт жун лайкь бува.
• Укъаччавай дунияллул хъус цачIун дуллалима! Ина ми щин хIадур дуллай ура? Инагу ивчIантIиссарахха!
• Нафсирал шагьватирттал патишагь лагънайн кIура аен увайсса куна, ссавурданулгу лагъная патишагь увайссар.
• ДакI щяйтIаннуя дуруччин хIарачат буллан аьркинссар. Му гьарца аькьилсса бусурманчунай ялувсса буржри (фарзуль-аьйн).
• Ялапар хъанахъу дунияллийсса оьрму – инара дургьусса зума кунна, зумаритаву ахиратраву дуван хIадур хъанай.
• Да инсан! Ина оьмунийн кIункIу уллалисса нафс Иблислуяргу оьсса вил душманни.
• КIулну икIу, нафсирал шагьватру сававну хьусса бунагьру багъишла битан бюхъайссар, амма дакIхъуншиврул цIаний хьусса бунагьру багъишла къабитайссар. ЩяйтIан багъишла къабивтссар, га мютIи къашаврил багьана дакIхъуншиву диркIунтIий.