Ссавур дуван кумаг баймур
Идавсил ﷺ жунна ккаккан дурну дур ссавур дуван кумаг байсса азкар-дуаьртту: «КIюрххил чаклил хъирив ацIра дуаь дурккуманая Аллагь ﷻ рязи хьунтIиссар, Аллагьнал ﷻ му инсан уруччинтIиссар, миннувасса ххюра дунияллийсса оьрмулухассар, гайми ххюра ахиратраяссар.
- «ХIасбия-Ллагьу ли дини». 2. «ХIасбия-Ллагьу лиман агьа-ммани». 3. ХIасбия-Ллагьу лима багъа аьлайя». 4. «ХIасбия-Ллагьу лиман хIасадани». 5. «ХIасбия-Ллагьу лиман кадани бисуин». 6. «ХIасбия-Ллагьу эндаль-мавти». 7. «ХIасбия-Ллагьу эндаль масъаляти филь-кьабри». 8. «ХIасбия-Ллагьу эндаль-мизан». 9. «ХIасбия-Ллагьу энда-ссиратIи». 10. «ХIасбия-Ллагьу ля илягьа илля гьува аьляйгьи таваккальту ва гьува раббуль-аьршиль аьзим».
Идавсил ﷺ хIадисраву бувсун бур Аллагьнал ﷻ увкумур: «Ттула Кьудратрайну хъа буллай ура, цания ца Ттул лагъ дакI дарцIуну Ттуя кумаг чIа тIий ухьурча, На мунан чара бакъа кумаг банна, ва дунияллий ва ссавруннай буцири мунан оьбала буван цачIун хьурчагума».
Анас-асхIаблул бувсун бур Идавсил ﷺ яла чIяруну укунсса дуаь дуккайва куну: «Аллагьумма атина фи-ддунья хIасанатан ва филь-ахирати хIасанатан ва кьина аьзаба-ннар» («Я Аллагь, жун дунияллийгу ахиратравугу хъинмур нясив бува, жу дужжагьрал цIараяту ххассал бува»).
Идавсил ﷻ увкуну бур: «Дард, буруккин ялун бивсса чIумал Аятул-Курси ва «Аль-Бакьара» тIисса суралул махъва-махъсса кIива аят бувккуманан Аллагьу Тааьланал кумаг бантIиссар». Ялагу Идавсил ﷺ увкуссар: «Ттун кIулли пашманманал дард яла гьан дувайсса махъру. Ми ттул уссил Юнус-идавсил куртIсса цIаннаву увкусса махърур: «Ля илягьа илля анта, субхIанака, инни́ кунту мина ззалимин» («Я Аллагь, икрам буван лайкьсса Ина акъа цама акъассар. Ина гьарца лайкь дакъамуния марцIссара. Нарив ттуйва нава зулму бувмара, Вил ихтияр дакъанура ттула миллатрайн сси бивзун шагьрулува увккунтIий»). МухIаммад Идавсил ﷺ бувчIин бувну бур: «Юнус идавс балугърал (китрал) кьюлтI увсса чIумал «Ля илягьа илля анта, субхIанака, инни кунту мина ззалимин» увкуну Заннайн лаивзссар». ЗахIматшиврувун агьсса бусурманчунал ва дуаь дуккирча, Заннал чара бакъа жаваб дулунтIиссар».
