Зумарду кьамул даннав!

Зумарду кьамул даннав!

Дагъусттаннал Муфтий щейх АхIмад-афандинал барча бавуртту

 

Ас-саламу аьлайкум ва рахIматуллагьи ва баракатугь! Ххирасса уссурвал ва ссурвал! ДакIнихтуну барча буллай ура жула ялун нанисса мубараксса Зумаритавал байрандалущал.

 

Гьарца бусурманчунан ва хъанахъиссар Заннайн щукру бувайсса кьини, зумарду дугьлан, чак-дуаьрду дуллан, мюхтажминнан кумаг буллансса каши дуллунутIий.

Рамазан зурул мутталий бусурман бия дяхтта дуки-хIачIиялия ва цимурца зума зия дуваймуния махъунмай хъанай, Аллагьнайн мютIину ва цIимилийн хьул бивхьуну.

Ва зуруй буллалисса хъинбалардал, ифтIардал, цадакьарттал цIакь дувайссар жула дянив цашиву, уссушиву. Гьарцаманал бувмур Аллагьнал ﷻ кьамул буваннав, дазу-зума дакъасса чири, неъматру булуннав! Мукунсса ифтIардал мажлисирттаву личIи-личIисса агьали гьуртту шавугу хъинну шадсса, дакI ххари хьунсса ишну чIалай бур.

Заннайн щукру буллай ура цIунилгу вай барачатсса гьантри хьуна бакьин нясив баврихлу. Мукьахгу Рамазан барз хьуна бакьлан, зумарду дугьлан цIуллушиву дулуннав Аллагьнал! Жула дургьусса зумарду, бувсса чакру ва дуаьрду, бивчусса ссахIру, бувсса цадакьартту Аллагьнал кьамул баннав, бунагь-хатIардал ялтту учIаннав, бала-апатIирттая, фитна-мусиватирттая, дяъвирдая буруччиннав! Ва Рамазан зурул асар щалла шинал мутталий ябувансса, бунагьмунийн зана къабикIансса каши-кьудрат Заннал дулуннав!

 

2026-09-01 (Рабиуль-Авваль 1448 ш.) №9.


Рабиуль-Авваль зурул мажлис

Рабиуль-Авваль зуруй МухIаммад Идавс ﷺ хъун уллай мавлудру дувайсса аьдат дур бусурманнал дянив. Мукунсса мажлис хьунни августрал 24-нний Гъази-Гъумук. Ванил сиптачиталну бувккунни Лакрал райондалул имам ХIабиб Баталов ва райондалул администрация.   Мажлис бувуна паркраву, байбивхьуна...


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Бархъаллал Маллайл шеъри

"Мажму́аьтул-аьша́р" тIисса луттирава. Бишлашиссар луттираву бусса куццуй.   (Дайдихьу хьхьичIмур номерданий)   Ружмарданул чак бувну камилну кьаст дуруна, Цалва-цалва агьлулухь хIалал бити увкуна. Къумамий тархъан бувну душманмий дакьил бувну, Цайва-цайва ялувсса хIакьру тIайла...


Нюжмар кьини дурну къахъинмур

Бусурмансса халкьуннал дур арулва гьантлий цал тикрал шайсса байран – нюжмар кьини. Му кьини бувсса хъинбалалух, эбадатрах цамур чIумалнияр гьарзасса чири шайссар. Муниятур нюжмар-кьини хъинбала-хъиншивуртту дуллай гьан дуван хIарачат буллан бикIайсса.   Му кьини дувайсса эбадатирттава...


Идавс ﷺ увсса къатта

Маккалул Бану Гьашим тIисса махIлалий буссар гьарцама бусурманчунал дакIниву ляличIисса кIану бугьлагьисса къатта. ХIакьину шикку библиотека бур, аммарив ца заманай ва кIанай бивкIссар щала дунияллул тарихрайн асар биян бувсса инсан – МухIаммад Идавс ﷺ ниттил увсса къатри. Идавсил ﷺ тухум...