Бала-апатIирттая буруччайсса дуаь

АпатIру, дардру инсаннал оьрмулуву ччя-ччяни хьуна дакьай. Пашманмургу, ххаримургу жуйнна дияйссар Аллагьнал ﷻ чичрулийну. Мунияту, захIматсса иширавун багьсса чIумалгу куклушиву, бигьашиву Заннахь чIа учин аьркинссар.

Цумур дуаьри дуккин аьркинсса апатIрая, мусиватрая буруччиншиврул? Идавсил ﷺ сунналува жучIанна дирну дур тамансса дуаьртту, миннувугу дур ца, чIявусса балардая ва азардая буруччаву чIа тIисса.

Анас-асхIабнал бувсун бур МухIаммад Идавсил ﷺ укунса дуаь дувайсса диркIшиву:

اللَّهُمَّ إِنِّي أَعُوذُ بِكَ مِنَ الْعَجْزِ، وَالْكَسَلِ، وَالْجُبْنِ وَالْبُخْلِ، وَ الْهَرَمِ، وَالْقَسْوَةِ، وَالْغَفْلَةِ، وَالْعَيْلَةِ، وَالذِّلَّةِ، وَالْمَسْكَنَةِ، وَأَعُوذُ بِكَ مِنَ الْفَقْرِ، وَالْكُفْرِ، وَالْفُسُوقِ، وَالشِّقَاقِ، وَالنِّفَاقِ، وَالسُّمْعَةِ، وَالرِّيَاءِ. وَأَعُوذُ بِكَ مِنَ الصَّمَمِ، وَالْبَكَمِ، وَالْجُنُونِ، وَالْجُذَامِ، وَالْبَرَصِ، وَسَيِّىءِ الأَسْقَامِ

«Аллагьумма инни аоьзу бика миналь-аьжзи, валь-касали, валь-джубни, валь-бухли, валь-гьарами, валь-кьасвати, валь-гъафлати, валь-аьйлати, ваз-зиллати, валь-масканати. Ва аоьзу бика миналь-факьри, валь-куфри, валь-фусукьи, ваш-шикьакьи, ван-нифакьи, вас-сумъаьти, ва-р-рияи. Ва аоьзу бика мина-ссамами, валь-баками, валь-джунуни, валь-джузами, валь-бараси, ва саиййи-ль-аскьами».