Яла марцIмур щин

Яла марцIмур щин

Доктор АхIмад Аль-Мугьандис тIий ур: «Зам-Зам» – дунияллий яла марцIмур щин хъанай дур. ХIакиншиврул элмулул доктортурал ми щинал нейтронный анализ дурну, кIул бувну бур миннуву зувивахъул химический элемент душиву: железо, марганец, медь, кальций, магний, хлоридру, сульфатру ва м. ц. Ялагу махIаттал хьунсса зат хъанай бур, азардахъул шиннардий вай щин хъис чан къархьуну, даххана къархьуну най дур, цинявппа хIажлийн букIлакIисса инсантуралгу, лагма ялтту яхъанайминналгу ишла дуллай бунува.

Европанал лабораториярдаву дурсса элмийсса хъиривлаявурттайн бувну, Зам-зам щаращул щин цайми щинах бурувгун хъинну дарувсса дусса дур.

Цалчин, миву сера чанну бусса бур. КIилчин, чансса щин хIачIарчагу мякь леххайсса бур, муниву минераллу чIявусса бусса бур. Ми щин ча най дуссарив уттигу кIул бан къахъанай бусса бур. Ттизаманнул технологиялул хьхьичIуннайшивурттал кумаграцIухгу кIул бан къахъанай бусса бур зам-зам щинал карамат: му ча наниссарив, бакIщаращи чув буссарив. Лагма-ялтту цавагу щинал кьулла бакъасса бур, хьхьиригу 80 километралул архну бур. Мунияту махIатталсса иш бур, вайксса шиннардий ми щин къакьакьаву.

Ми щинал карамат цамургу дур: агар ккаши ххияншиврул тIий ххув учирча, ккаши ххияйсса бур. Агар мякь лиххан тIий ххув учирча, мякь лиххайсса бур. Дурагу ца метра ва дачIиннул куртIния нанисса щин диял шайсса дур хIажлил чIумал биялсса хIажитурал мякь лиххан бан. ЦIуллу-сагъшиву дуруччаврил щалла дунияллул идаралул (ВОЗ-рал) хIасиллайн бувну, зам-зам щин дусса дур яла марцIми ва дарувми щин дунияллийцири щаращаву. Американаву дурсса хъиривлаявурттал исват бувну бур микроорганизмарду ва бактериярду бакъасса щин дунияллий так зам-зам щин душиву. Жула МухIаммад Идавсилгу ﷺ увкуссар: «Зам-зам щин циняр цIуцIавурттал дарури», - куну.

Шамил Аьлиев