Ххюва неъмат
Ххюва неъмат
Аллагьу Тааьланал жунма тамансса неъматру буллуну бур. Щукру буллай, гьарца неъмат цила ххуллий ишла булларча, жунма гайннуя хъунмасса хайр биянтIиссар.
Кьуръандалуву увкуну бур (мяъна): «Заннал баян бувссар: "На зунма буллусса неъматирттайн щукрулий бикIарча, ми неъматру хъиннува ххишаласса булунна. Щукру бакъахьурча, Ттул танмихI цIакьссар!"» («Ибрагьим» тIисса суралул 7-мур аят).
Жуварив чIявучин неъматрал кьимат бакъа, я дунияллун, я ахиратран хайр къахьунну ми батIул бувару, абадлий жула канихь личIансса ххай.
Ибну Аьббаслул бувсун бур укунсса хIадис: «Ххюра задрая мюнпат ласи, цайми ххюра ялун дияннин къаялугьлай: оьрмулия мюнпат ласи бивкIу бияннин, цIуллушивруя ласи къашавай хьуннин, вила чIумуя мюнпат ласи мажал бакъа́ личIаннин, жагьилшивруя мюнпат ласи хъунав хьуннин, аваданшивруя мюнпат ласи мискин хьуннин» (Байгьакьи).
Ва хIадисраву МухIаммад Идавсил ﷺ жуйнма буюр бувну бур жунма буллусса неъматру: оьрму, цIуллушиву, чIун, жагьилшиву ва хъус лайкьну, хайрданун ишла дуллали куну. Аммарив чIявучин ганнуцIа шайхту, гай бакъа личIайхту жунма бувчIай гай мяйжаннугу неъматру бивкIшиву.
Цамур хIадисраву Идавс ﷺ тIий ур: «КIива неъмат буссар, чIявуминнал сан къабувайсса – чурххал цIуллушиву ва оьннасса чIун» (Аль-Бухари).
Лавгмуния хIайп тIий, бучIантIимунийн хьул бивхьуну, инсаннал цанма хIакьину буллусса неъматирттан лайкьсса кьимат къабищай.
Цала канихьсса неъматру мяйжаннугу багьа бищун къашайсса, канища итххяххарча зана бувангу къабюхъантIисса бушиву кIул хьуманал кIай ххюра задрал кьиматгу бурувччуну, хъинбаларду, Аллагь рязимур гьарза бувантIиссар. Мукунманал бунагьру чанну бувантIиссар, бувминнуягу тавба дувантIиссар.
