Аваданшиву ччарча…
Аваданшиву, гьарзасса хъус къаччисса инсан цаягу акъахьунссар. Аваданшиву диндалуву къадагъа дирхьусса зад дакъар, амма хъуслил чIявуми халкь хъяврин буллай, дакIру хъун дуллай, пахру-ххара буллай, ахиратрая арх хъанай, закат-ссахI бичин курчIил хъанай бунутIий, хъиннува гужну хъуслил хъирив багьаву Исламраву ххуйчулий ккаккан бувну бакъар.
МухIаммад Идавсил ﷺ цала асхIабтуран лахьхьин дурссар ризкьи-маэшатрай барачат бишайсса сававру. Гайннувасса ца дур Сагьль ибн Сяъдлул бувсъсса хIадисраву: «ИдавсичIан ﷺ ца инсан увкIуна цала мискиншивруя, маэшат бавривусса захIматшивурттая цIуру-кIуру буллай. Идавсил ﷺ ганахь увкуна: «Шавай увххун нанисса чIумал къатлувуминнахьхьун ссаламгу буллуну, сура «аль-Ихлас» («Кьулгьу») букки. Шава ссалам булунсса инсан акъахьурча, ттуйн ссалам тIайла букки (Идавсийн ﷺ)».
Га инсан Идавсил ﷺ лахьхьин бувмур буллан ивкIуна. Аллагьнал ﷻ ганан маэшат бигьа бувуна, сайки цала чIаххурангу кумаг буллан ивкIуна».
Бургияра, диндалул уссурвал-ссурвал, захIматсса за лахьхьин бувну бурив МухIаммад Идавсил ﷺ! Шавай увххун нанисса чIумал ссаламгу буллуну «Кьулгьу» буккин. Хъинну бигьасса зад бакъарив ва! Мунияту, жунма хъинну ялув бавцIуну укунсса суннарду биттур буллан аьркинссар: дунияллийгу, ахиратравугу мюнпат буссар.
Аллагьнал ﷻ кумаг баннав!
