Исламрал аьлимтурал ирсирава
Исламрал аьлимтурал ирсирава
«На занай уссияв ХIасан ал-БасриначIан 10 шинал мутталий, гьарца лавгтари ттун ганая ци-бунугу цIусса, ттунма къакIулсса зад кIул шайва» Рабиъ ибн Анас.
«Инсан цала нафсрал угьаврил лишан – суннатмуниву анавар уккаву ва фаризамур биттур бавриву курчIил шаву» Ибну АьтIаиллагь.
«Ва дунияллий ина къаххирасса инсан акъахьурча, кIулну икIу – ина мяркьу хьумара» Имам Шяърани.
«Бунагьирттал, хаснува щялмахъ бусаврил инсаннал кьисмат чан бувайссар» («ШархI сифинату нажаъ»).
«Дунияллул хъус-неъматру – хьхьири кунмассар, ахират – мунил зумардур, му хьхьиривух наниминнал жамигу – Аллагьная ﷻ нигьа бувсун бикIавур».
«Цала душманнан хIисав къавхьуну ччиманал 70-лла «Аятул-курси» дуккин аьркинссар» «Хазанатул Асрар».
«Жагьилну унува элму къалахьлахьиманая мукьва такбир буккияра (жаназалул чак бувара), му ивкIусса инсанни» Имам Шафии.
«Аллагьная ﷻ нигьа усайманан щилчIав зарал къабувантIиссар, Аллагь ﷻ акъа цайминная нигьа усайманан щилчIав кумаг къабувантIиссар» Фузайл ибн Ияз.
«Нава щияту-бунугу гъибат бувайсса (махъату гъалгъа бувайсса) ивкIссания, ттула ниттия буванссия, цанчирча, ттула хъинсса тIуллал чири булун яла лайкьмур нину бунутIий» Ибну Мубарак.
Жунайд ал-Багъдадихь цIувхху-ну бивкIссар: «Вила яру аьркин бакъамуних буругаврия буруччин вин ссал кумаг бувай?» «Ттун кIулли нава уруган ччимуних ттуяр ччяни Аллагь ﷻ уругайшиву», - увкуну бур щейхнал.
Ца инсаннал цIувххуну бур ХIасан ал-Басринахь: «Ттулва душ цукунсса инсаннан щар булурча хъинссар?» - куну. «Аллагьная ﷻ нигьа усайманан була: ганан га ххира хьурча – хъун бувантIиссар, ххуй къабизарчагу – кьюкьин къабувантIиссар».
«Диндалухун къабавкьусса иширттаву щарссанил увкумур бувайсса адимина дужжагьравун утантIиссар» ХIасан ал-Басри.
