Идавсил ﷺ аманатру

Идавсил ﷺ аманатру

Жунма кIулли цIанасса заманнай цаппара Идавсил ﷺ хIадисирттаву ва Кьуръандалул аятирттаву бувсмунил хъирив наука дахьва лаллай бушиву.

МухIаммад Идавс ﷺ Мадиналив изаннин гикку диркIссар гужсса азар хьуну чIявусса халкь литIлай. Гьижра бувну махъ гиккун увкIсса Идавсин ﷺ хIисав хьуссар Мадиналул аьрщарай хъинну чIярусса кIунцIуллив (болото) бушиву. Мунан бувчIуссар гьарца шинал туршахъул инсан оьрмулуцIа уллалисса азарданул сававгу ми кIунцIуллив ва миннул цIанийсса атилшиву душиву. Мунияр махъ, Идавсил ﷺ амрулийну Мадиналив 30000 чассаграл мурхь бувгьуссар, аьрщараву хъатру чан дуваншиврул. Идавсил ﷺ бувсса аманатругу биттур булларча, жувагу къашай кахъанантIиссару, иншааллагь. Дукия дукаврил хIакъираву увкуну бур:

  • Лахъи ларгсса дукра мадукари.
  • Хъиннура кIирисса ягу хъиннура дяркъусса дукра мадукари.
  • Анавар къабувккун, ххуйну ккурхIуну дукияра.
  • Дукра дуканнингу дуркуну махъгу кару шюшияра.
  • Буччиннин, хъинну лякьа дуцIиннин дукра мадукари.
  • Дукра канакисса чIумал чIярусса щин махIачIари.
  • КIинттул кIусса, аьгъусса дукра дукияра, гъинттул – куклусса, ахъулсса, ахънилсса хIаласса дукияра.
  • Гуж бучIан буваншиврул къюмай тIутIи, чассаг, зайтун мурхьирал ахъулсса (оливки) дукияра.
  • Гуж багьсса, хъинну бувхсса чIумал нацIушиву дукияра.
  • Дукра дукан ягу щин хIачIан хъя кусса, гъаргъсса тIахIни ишла мадувари.
  • Бюхъавай мудан цара-ца дукра мадукаванни.
  • Чурх бигьа лаганшиврул, зуруй ца кьинирагу зума дугьияра.
  • НицI дулукияра, му азарда цIуцIаврил даруври.

Ххуйну пикри буварча, вай аманатирттаву куртIсса мяъна душиву чIалай бур, цанчирча, цIанасса чIумал медициналулгу кIай кIицI ларгсса задру хъинсса душиву тасттикь буллай бунутIий.

МУХIАММАД ХIАЖИЕВ

2026-09-01 (Рабиуль-Авваль 1448 ш.) №9.


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Идавс ﷺ увсса къатта

Маккалул Бану Гьашим тIисса махIлалий буссар гьарцама бусурманчунал дакIниву ляличIисса кIану бугьлагьисса къатта. ХIакьину шикку библиотека бур, аммарив ца заманай ва кIанай бивкIссар щала дунияллул тарихрайн асар биян бувсса инсан – МухIаммад Идавс ﷺ ниттил увсса къатри. Идавсил ﷺ тухум...


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...


Дуккаву бигьа хьуншиврул

Дайдирхьунни цIусса дуккаврил шин. Жунма кIулсса куццуй, Аллагьнал ﷻ цIа кIицI ларгун, Занная кумаг чIа увкуну дуллалисса давриву лябуккугу, барачатшивугу дикIайшиву. Дуккаву ккалли дуван бучIир ца яла захIматмур даврин. Мунин бувну, ва макьалалуву цачIун дурну дуссар дук-лакисса чIумал дурккуну...


Рабиуль-Авваль зурул мажлис

Рабиуль-Авваль зуруй МухIаммад Идавс ﷺ хъун уллай мавлудру дувайсса аьдат дур бусурманнал дянив. Мукунсса мажлис хьунни августрал 24-нний Гъази-Гъумук. Ванил сиптачиталну бувккунни Лакрал райондалул имам ХIабиб Баталов ва райондалул администрация.   Мажлис бувуна паркраву, байбивхьуна...