ДучIиннал шяравугу мизит тIивтIунни

ДучIиннал шяравугу мизит тIивтIунни

Шяраву мизит бансса пикри хьуну бия хасъсса аьралий операциялул гьурттучи Эфендиев Юнуслун ва ванал хъинирбу Эфендиев МахIаммадлун. Ванал бусаврийн бувну, ва даву дачин даврил агьаммур мурад хьуну бур жямат цачIун баву, шяравалу цIудуккан даву.

 

ХьхьичIва-хьхьичI вайннал маслихIат ккавккун бур имамтуращал – Баталов ХIабиблущал, Майранов МухIаммадлущал, ХIажимурадов Шихмурадлущал. Вайннал агьамсса кумаг бувну бур, дайдихьу дувансса куц бувчIин бувну.

Шинал мутталий шяраваллил жяматрал хIарачатрайну бювхъуну бур цIусса мизит бацIан буван. ВаничIан дурцуну дур щингу.

Аллагьнал ﷻ къатта буван ишла бувну бур хьхьичIава заманнай шяраву бивкIсса мизитраясса чартту. Му куццуй жяматрал цала буттахъал тарихрахсса ва рувхIанийсса ирсирахсса хIурмат исват бувну бур.

Ноябрьданул 9-нний ДучIив хьунни цIусса мизит тIитIаврин хас бувсса мажлис. Шиккун бувкIуна Лакрал райондалул имамтал, шяраваллил жямат, Аллагьнал ﷻ къатта буван кумаг бувми.

Махъру лавхъуна Гъази-Гъумучиял имам МухIаммадтIагьир Ганбулатовлул, Лакрал райондалул имамнал кумагчи Шихмурад ХIажимурадовлул, мизит баврил сиптачину хьусса Юнус Эфендиевлул, ДучIиннал шяравасса учитель МахIаммад МахIаммадовлул. Цинявннал кIицI лавгуна шяраву мизит тIитIаврил агьамшиву ва жямат цачIун бавриву диндалул бугьлагьисса кIану.

2026-09-01 (Рабиуль-Авваль 1448 ш.) №9.


Идавс ﷺ увсса къатта

Маккалул Бану Гьашим тIисса махIлалий буссар гьарцама бусурманчунал дакIниву ляличIисса кIану бугьлагьисса къатта. ХIакьину шикку библиотека бур, аммарив ца заманай ва кIанай бивкIссар щала дунияллул тарихрайн асар биян бувсса инсан – МухIаммад Идавс ﷺ ниттил увсса къатри. Идавсил ﷺ тухум...


Рабиуль-Авваль зурул мажлис

Рабиуль-Авваль зуруй МухIаммад Идавс ﷺ хъун уллай мавлудру дувайсса аьдат дур бусурманнал дянив. Мукунсса мажлис хьунни августрал 24-нний Гъази-Гъумук. Ванил сиптачиталну бувккунни Лакрал райондалул имам ХIабиб Баталов ва райондалул администрация.   Мажлис бувуна паркраву, байбивхьуна...


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...


Дуккаву бигьа хьуншиврул

Дайдирхьунни цIусса дуккаврил шин. Жунма кIулсса куццуй, Аллагьнал ﷻ цIа кIицI ларгун, Занная кумаг чIа увкуну дуллалисса давриву лябуккугу, барачатшивугу дикIайшиву. Дуккаву ккалли дуван бучIир ца яла захIматмур даврин. Мунин бувну, ва макьалалуву цачIун дурну дуссар дук-лакисса чIумал дурккуну...