Чак баврил конкурс

Чак баврил конкурс

Чак баврил конкурс

Уттигъанну Гъумуксса Хъун-Мизитраву хьунни Аьлибуттаев Аьбдурашидлул аьпалун хас бувсса, оьрчIан тIайлану чак буван лахьхьаврил конкурс. Ва конкурсрай гьуртту хьунни райондалийцири шяраваллава мизитравун дин-чак лахьхьин заназисса гъинтнил курсирдайсса 55 оьрчI.

Конкурсрал сиптачитурал бувсунни фондраву 150 азарда къуруш диркIшиву, цалчинмур кIану бувгьуманан дуллушиву 30 азарда къуруш, кIилчинмур кIану – 20 азарда къуруш ва шамилчинмур кIану – 10 азарда къуруш. Мукьилчинмур кIанттая байбивхьуну ацIилчинмур кIанттайн бияннинминнан дуллуну дия шаншаназарда къуруш, гьарца гьуртту хьуминнангу – аза-азарда къуруш. Арцуйнусса бахшишрацIун гьарца гьуртту хьуманан дуллуну дур сертификатгу.

Цалчинмур кIану бувгьуну бур Гъумучатусса Ханов ХIасанбасрил, кIилчинмур кIанугу – вава Гъумучатусса Давудова Мариямлул ва шамилчинмур кIану – Куматусса Мусалаева Аминал.

ДакIнийн бутанну, 2020-ку шинал Гъумук тIивтIушиву Гъази-Гъумучиял щайх Жамалуттиннул цIанийсса мадраса. Конкурс цурдагу хас дурну дия Щардал шяраватусса Чариннул арс Аьбдурашидлул аьпалун, ва ацIнияхъайсса шиннардий оьрчIан ислам лахьхьин дуллай ивкIун тIий. Дагъусттаннал паччахIлугърал педагогикалул институтрал тарихрал факультетрай дуклакинийва Аьбдурашид аьраб маз ва Ислам лахьлай ивкIун ур. Ва буттал шяраву учительну, завучну, директорну зий ивкIун ур. 1998-кусса, тай къабигьасса шиннардий, Гъумук оьрчIан Кьуръангу, чакгу буван лахьхьин буллай айивхьуну ур ва 12 шинай му даврия хIура къавхьуну ур. Муния махъ ванайн оьвкуну бур МахIачкъалаллал муххал ххуллул вокзалданийсса Сайфуллагь-кьади Башларовлул цIанийсса мизитравун. Ва мизитравугу ванал арулла шин дурну дур оьрчIан исламрал элму лахьхьин дуллай.

2026-09-01 (Рабиуль-Авваль 1448 ш.) №9.


Дуккаву бигьа хьуншиврул

Дайдирхьунни цIусса дуккаврил шин. Жунма кIулсса куццуй, Аллагьнал ﷻ цIа кIицI ларгун, Занная кумаг чIа увкуну дуллалисса давриву лябуккугу, барачатшивугу дикIайшиву. Дуккаву ккалли дуван бучIир ца яла захIматмур даврин. Мунин бувну, ва макьалалуву цачIун дурну дуссар дук-лакисса чIумал дурккуну...


ТIайла буккан ва хьуна бакьин

Аллагьнал ﷻ халкь ляхъан бувну бур, цайва бивхьусса амрурду биттур буллай, дакIурдивусса мурадирттайн билланшиврул. Аллагьнал ﷻ амрурдугу так дин-чаклийну къуртал къашайссар, ми амрурдал вивлавсун буссар инсаннал щалва оьрму. Оьрмулул мутталий инсаннан чIявуну аьрххи-ссапарданийн уккан багьай....


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Суал-жаваб

ХIан даххайсса тучандалуву бухгалтерну зун бучIиссарив? Мукунсса тучаннаву ва цаймигу хIанттия хайр ласласисса идарарттаву бухгалтерну ягу цайми къуллугъирттай зун ихтияр дакъассар, хIарамссар. Мунинсса далилнугу хъанахъиссар хIанттиха зузисса инсантурал ацIва журалий Идавсил ﷺ нааьна дурсса, имам...


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...