Вихьуллал жагьилтурал батIаву

Вихьуллал жагьилтурал батIаву

Вихьуллал жагьилтурал батIаву

Уттигъанну Ккуллал райондалул жагьилтурал ккурандалул каялувчи Гуйдалаев АьбдурахIманнул сипталийну хьунни Вихьуллал жагьилтурал батIаву. Ванал кумагчиталну бувккунни Аслан Бугъанов ва Исакь Аьлиев.

Жагьилтал бавтIуна чIатIаракI ритултрал клубраву. Шикку вайннал дянив дуруна чIатIаракI ритаврил ва теннисрал турнир.

БавтIминнал хьхьичI махъру лахъан бувкIун бия диндалул къуллугъирттайсса зузалтгу: Ккуллал райондалул имам МухIаммадманнар Бариев ва Вихьуллал имам МухIам-мадсултан Аьбдуллаев.

ЧIатIаракI риртун ххув хьунни Ким МахIаммадов, 2-мур кIану бувгьунни Гуйдалаев АьбдурахIманнул, 3-мур - Аьлилов Оьмардул.

Теннисраву тIурча ххувшаву ларсунни ХIасанов РахIимлул, 2-мур кIанттун лайкь хьунни Исаев Расул ва 3-сса шачIанттуйн гьаз хьунни Роберт ХIусайнов.

2026-09-01 (Рабиуль-Авваль 1448 ш.) №9.


Рабиуль-Авваль зурул мажлис

Рабиуль-Авваль зуруй МухIаммад Идавс ﷺ хъун уллай мавлудру дувайсса аьдат дур бусурманнал дянив. Мукунсса мажлис хьунни августрал 24-нний Гъази-Гъумук. Ванил сиптачиталну бувккунни Лакрал райондалул имам ХIабиб Баталов ва райондалул администрация.   Мажлис бувуна паркраву, байбивхьуна...


Бархъаллал Маллайл шеъри

"Мажму́аьтул-аьша́р" тIисса луттирава. Бишлашиссар луттираву бусса куццуй.   (Дайдихьу хьхьичIмур номерданий)   Ружмарданул чак бувну камилну кьаст дуруна, Цалва-цалва агьлулухь хIалал бити увкуна. Къумамий тархъан бувну душманмий дакьил бувну, Цайва-цайва ялувсса хIакьру тIайла...


Идавс ﷺ увсса къатта

Маккалул Бану Гьашим тIисса махIлалий буссар гьарцама бусурманчунал дакIниву ляличIисса кIану бугьлагьисса къатта. ХIакьину шикку библиотека бур, аммарив ца заманай ва кIанай бивкIссар щала дунияллул тарихрайн асар биян бувсса инсан – МухIаммад Идавс ﷺ ниттил увсса къатри. Идавсил ﷺ тухум...


Аькьлукартурал махъру

МухIаммад Идавсил ﷺ асхIаб Аьбдуллагь ибн Масъоьдлул увкуну бур: «Халкьуннал учай ххаллилсса махъру. Махъру ва тIуллу цасса инсанни талихIрайн уккантIисса. Махъру тIуллаха къалавхьхьума – аьй дуван лайкь хьумари».   Аьбдуллагь ибн Аьмрдухьхьун ца инсаннал буллуссар джигьадрал хIакъиравусса суал....


Суал-жаваб

ХIан даххайсса тучандалуву бухгалтерну зун бучIиссарив? Мукунсса тучаннаву ва цаймигу хIанттия хайр ласласисса идарарттаву бухгалтерну ягу цайми къуллугъирттай зун ихтияр дакъассар, хIарамссар. Мунинсса далилнугу хъанахъиссар хIанттиха зузисса инсантурал ацIва журалий Идавсил ﷺ нааьна дурсса, имам...