Муфтийнащал хьунабакьаву

Муфтийнащал хьунабакьаву

Муфтийнащал хьунабакьаву

Сентябрьданул 15-нний МахIачкъалалив хьунни «Ас-салам» кказитрал зузалтрал Дагъустаннал Муфтий АхIмад-афандинащал хьунабакьаву. Шиккун бувкIун бия циняв мазурдий буклакисса кказитирттал редактортал ва макьаларду чичла-чими. Бия Башкирнавасса, Санкт-Петербурглиясса ва цаймигу кIанттурдавасса хъамал.

 

«На Муфтийну увчIусса чIумал «Ас-саламрал» тираж буссия дахьва 2500 кказит. Бургияра хIакьину тиражгу, кказитраха зузимигу цукун гьарза хьуну бурив. Мунийнгу Аллагьнайн ﷻ щукру!

Идавсил ﷺ увкуссар: «Инсантуращал гъалгъа булувара гайннал аькьлулух бурувгун». Цува гукун лахъсса даражалул инсан унува, гьарцаманащал ганал даражалий ихтилат бувайса бивкIссар. На ца шяраву имамну зузисса чIумал гьарца нюжмар кьини щаллусса лу ххал бувайссия, инсантуран агьамсса, лайкьсса вяъза хIадур баншиврул. Кказитравусса макьалардугу дикIан аьркинссар буккултран бувчIинсса мазрай чирчусса» – увкуна щейхнал бавтIминнахь.

Башкир мазрайсса «Ас-саламрал» редактор Зульфия ХIаннановал бувсуна цалва редколлегиялул дуллалисса давурттая, щейх АхIмад-афандинан ссайгъатгу буллуна. Мукунма, редакциялул чулуха Муфтийнан пишкаш бувна Кьуръандалул лу.

 

2026-08-01 (Сафар 1448 ш.) №8.


Вихьлив оьрчIру ттуплий бувккунни

Вихьлив хьунни Ккуллал райондалий дарсирдайн мизитирттавун бучIайсса оьрчIал дянивсса футболданул турнир.   Ванил агьаммур мурад бия оьрчIал дянивсса дусшиву цIакь даву ва спортрах гъира бутаву. Турнирданул сиптачиталну бувккунни «Ккуллал райондалул жагьилтал» тIисса ккурандалул каялувчи...


Лелуххул эбрат

Щейх Ибрагьим Адгьам ивкIссар Шакьикь Балхил усттазну. Ца кьини Шакикь цала щейхначIан увкIун, бувсун бур цува хIалтIилухун ачин хIадур хъанай ушиву.   – Жува хьунабакьиннин цаппара барзру гьантIиссар! – увкуну бур ганал. Амма кIива-шанма гьантлува Ибрагьим Адгьамлун ккавккун ур...


25-ва тикрал бува

Маэшат гьарта хьуншиврул ишла бувайсса багьантту цIухлалими чан къашай. Миннувату яла агьаммур, гьанумур цила чIумал ххювагу чак бавури, циняр шартIру, рукнурду, адабругу щаллу дурну, хъирив дуккайсса азкардугу дурккуну.   Мукунма, маэшат гьарза хьуншиврул хъинссар зухIа-чак баву, шанан утту...


Къатлуву барачат

Бур ца-цавай къатри, личIину авадансса ва хъуслил бувцIусса бакъахьурчагу, гиву бигьану ссихI ласун шайсса, дакI дигьа лагайсса. Гивун буххайхту кIул шай: шиву рахIатшиву, барачат, гъелишиву дур. Мукунма, хьунабакьай цаймигу – ххирасса хъус-кьайлул бувцIусса, марцIшиврул пар-пар тIисса, амма...


Хъинмунил гьану

Имам Муслимлул луттираву бур укунсса хIадис: «МухIаммад Идавсил ﷺ увкуна: "Аллагь Тааьла МарцIмари, марцIмур дакъа кьамулгу къадуваймари».   Кьуръандалуву Аллагьнал ﷻ халкьуннайн амру бувссар идавстурайхчIин: «Зу дукияра марцIмур, тIуллугу хъинсса дуллали»...