Байрандалул хIасиллу

Байрандалул хIасиллу

Шаназарунниха ливчусса инсантал гьуртту хьунни МахIачкъалалив, «Зебра» тIисса дучрал комплексраву, Кьурбанбайрандалун хас дурсса шадлугърай.

БавтIцири барча буллай, Дагъусттаннал Муфтийнал кумагчи, исламрал элмурдал доктор МухIаммад МухIаммадовлул кIицI лавгунни, Маккаллал ва Мадиналул аьрщарай ХIаж буллалисса дагъусттанлувтурал дуаьртту Аллагьнал ﷻ кьамул дуваннав тIий, жувагу лабизлай бушиву. Мажлисраву гьуртту хьунни Дагъусттаннал ХIукуматрал хъунаманал хъиривчу Рамазан Жяъпаров, национал политикалул ва диндалул иширттал министрнал къуллугъ чIумуйну бартбигьлагьисса Гьарун Давыдов.

Хъамаллуран ххуйсса программа хIадур дурну дия байрандалул сиптачитурал: нашидирттах вичIи дишин, пагьламантурал хьхьуттайсса гьунардах тамаша буван хъанай бия ва Дагъусттаннайсса яла хъунмур къазандалуву бувсса пулав букансса тIайлабацIугу бия. Шиккура дия дикIул ярмукIагу, уква хъамалу буллай бия. ОьрчIан аттракционнащалсса личIисса площадкартту хIадур бувну бия. Байрандалул яла ягинмур бутIарив – ччаллий дучри ххяххан буваву дия.

Лакрал, Ккуллал ва ЦIуссалакрал райондай кьурбанну биххаву чIявучин щаллу буллай бия «Инсан» фондрайхчIин. Бюхълай бия телефондалувух заявка дуллуну, биххаву ва дикI дачIаву фондрал зузалтрайн тапшур буван.

2026-09-01 (Рабиуль-Авваль 1448 ш.) №9.


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Идавс ﷺ увсса къатта

Маккалул Бану Гьашим тIисса махIлалий буссар гьарцама бусурманчунал дакIниву ляличIисса кIану бугьлагьисса къатта. ХIакьину шикку библиотека бур, аммарив ца заманай ва кIанай бивкIссар щала дунияллул тарихрайн асар биян бувсса инсан – МухIаммад Идавс ﷺ ниттил увсса къатри. Идавсил ﷺ тухум...


Дуккаву бигьа хьуншиврул

Дайдирхьунни цIусса дуккаврил шин. Жунма кIулсса куццуй, Аллагьнал ﷻ цIа кIицI ларгун, Занная кумаг чIа увкуну дуллалисса давриву лябуккугу, барачатшивугу дикIайшиву. Дуккаву ккалли дуван бучIир ца яла захIматмур даврин. Мунин бувну, ва макьалалуву цачIун дурну дуссар дук-лакисса чIумал дурккуну...


Хъинсса тIул-тIабиаьтраясса калимарду

Хъинсса тIул-тIабиаьтран хас бувну буссар тамансса, мусил багьасса махъру. Шикку чичинну миннувасса цаппара, гъафлатравун дахьларгсса дакIру кIукIлу хьуну, хъинсса тIуллу дуллан кIункIу дуваншиврул:   МухIаммад Идавсихь ﷺ цIувххуссар: «Бусурманнава цала диндалуву яла узданма...


ТIайла буккан ва хьуна бакьин

Аллагьнал ﷻ халкь ляхъан бувну бур, цайва бивхьусса амрурду биттур буллай, дакIурдивусса мурадирттайн билланшиврул. Аллагьнал ﷻ амрурдугу так дин-чаклийну къуртал къашайссар, ми амрурдал вивлавсун буссар инсаннал щалва оьрму. Оьрмулул мутталий инсаннан чIявуну аьрххи-ссапарданийн уккан багьай....