Лакрал жагьилтурал зарядка

Лакрал жагьилтурал зарядка

Лакрал жагьилтурал зарядка

 

Январьданул 21-нний кIюрххицIунмай МахIачкъалаливсса пляжрай цачIун хьуну бия лакрал жагьилтал. Шиккун бучIаврил мурадгу бия куннащал ку кIул шаву ва дусшиву, цашиву цIакь даву.

Хьхьирил зуманив бувкминнал дуруна зарядка, лечаву ва турник-рай лунттубакI лахъан баврил бяст-ччаллу. Зарядка дачин дан бувкIун бия цIа дурксса спортс-ментал: ушу-саньдалул Аьрасатнал чемпион МухIаммад Акаев ва панратиондалул дунияллул чемпион Аьбдулкарим Айгунов.

БавтIминнал хьхьичIун махъ лахъан бувккуна: Дагъусттан Рес-публикалул экономикалул министр ХIажи Султанов, ДГИ-лул ректор НухIкьади БахIмудкьадиев ва Муфтиятрал зузала АхIмад Казанбиев.

Бяст-ччалдануву цалчинмур кIану бувгьуну, кубок ласун лайкь хьуна Ккуллал райондалул имам МухIаммад-Маннар Бариев.

 

2026-08-01 (Сафар 1448 ш.) №8.


Аькьлукар ва халиф

Халиф Гьарун Рашидлул заманнай ивкIун ур Багьлюль тIисса салихIсса аькьлукар. Халиф чIун-чIумуй ганащал хьунаавкьуну ихтилат бувайсса бивкIун бур. Гьаруннул хъярч бувсса чIумалгу Багьлюллул хъинну аькьилсса жавабру дулайсса диркIун дур.   Ца кьини халифнал Багьлюль цачIана учIан увну,...


Гъази-Гъумучиял щейх Абу Оьбайда

НицIавкIратусса щейх Сайфуллагь-Кьади Башларовлул «Сабат» ва «Мактубат» тIисса луттирдаву кIицI ларгун дур Сайид Абу Оьбайда бин Сайид Нуруддин аль-ХIусайни аль-Гъумуки ад-Дагъистани тIисса цIа. Шичча мяйжан хъанай бур Абу Оьбайда Гъумучатусса, МухIаммад Идавсил ﷺ душнил...


Ссятрал мутталий дурсса эбадатраяр ххирасса махъру

Дунияллийсса оьрму Аллагьу Тааьланал жунма буллуну бур Цала рязишиву тIалав дуллай, цIимилийн умуд бивхьуну яхъананшиврул. Аллагьнал, жува ххирану, мурадру щаллу бавугу бигьа бувну бур. Цала ИдавсийхчIин ﷺ Заннал жунма баян бувну бур цумирив хъунмасса чири хьуншиврул дувайсса бигьасса эбадатру....


МухIаммад Идавсил ﷺ оьрмулия

Идавс ﷺ дунияллийн увкун, мунал ниттин Аминатлун ккарккун дур муная нанисса нур, лагмамур чаннагу дурну марцI дуккан дуллалисса.   Ца ппурттуву чIавасса МухIаммад ﷺ оьрчIащал тIуркIу тIий уна, муначIан увкIун малаик Жабраил, тIитIин бувну Идавсил ﷺ хъазам, мунал къюкI мусил тIясраву зам-зам...


25-ва тикрал бува

Маэшат гьарта хьуншиврул ишла бувайсса багьантту цIухлалими чан къашай. Миннувату яла агьаммур, гьанумур цила чIумал ххювагу чак бавури, циняр шартIру, рукнурду, адабругу щаллу дурну, хъирив дуккайсса азкардугу дурккуну.   Мукунма, маэшат гьарза хьуншиврул хъинссар зухIа-чак баву, шанан утту...