Фондрал буллалисса къатта

Фондрал буллалисса къатта

Ххирасса уссурвал ва ссурвал! ДукIу «Инсан» фондрал баян бувссия ЦIуссаккулатусса Чаннанова Раян къатри дувансса арцу цачIун дуллай бушиву. ДачIи шин ларгун махъ Рая мукьва оьрчIащал ялапар хъанахъисса вагондалул чIарав дацIан дурссар ххаллилсса къатри.

ДакI цIуцIисса инсантурал кумаграцIух цачIун дурсса арцу диял хьунни так къатрал чIирттугу бувну магъи лакьин. Утти дуллан багьлай бур вивсса давуртту.

Мунин бувну, фондрал баян буллай бур гихуннайсса давуртту щаллу дувансса кумаг аьркин хъанай бушиву. Каши думанал арцуйну, бюхъайманал стройматериаллайну, бажар буманал канийну ка-кумаг баву тавакъюри.

Арцу дичин ягу цIуххаву дуван бюхъантIиссар ва номерданийхчIин: 8-988-300-77-50.

2026-09-01 (Рабиуль-Авваль 1448 ш.) №9.


Нюжмар кьини дурну къахъинмур

Бусурмансса халкьуннал дур арулва гьантлий цал тикрал шайсса байран – нюжмар кьини. Му кьини бувсса хъинбалалух, эбадатрах цамур чIумалнияр гьарзасса чири шайссар. Муниятур нюжмар-кьини хъинбала-хъиншивуртту дуллай гьан дуван хIарачат буллан бикIайсса.   Му кьини дувайсса эбадатирттава...


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...


Бархъаллал Маллайл шеъри

"Мажму́аьтул-аьша́р" тIисса луттирава. Бишлашиссар луттираву бусса куццуй.   (Дайдихьу хьхьичIмур номерданий)   Ружмарданул чак бувну камилну кьаст дуруна, Цалва-цалва агьлулухь хIалал бити увкуна. Къумамий тархъан бувну душманмий дакьил бувну, Цайва-цайва ялувсса хIакьру тIайла...


Аькьлукартурал махъру

МухIаммад Идавсил ﷺ асхIаб Аьбдуллагь ибн Масъоьдлул увкуну бур: «Халкьуннал учай ххаллилсса махъру. Махъру ва тIуллу цасса инсанни талихIрайн уккантIисса. Махъру тIуллаха къалавхьхьума – аьй дуван лайкь хьумари».   Аьбдуллагь ибн Аьмрдухьхьун ца инсаннал буллуссар джигьадрал хIакъиравусса суал....


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...