Машина бувххунни

Машина бувххунни

Машина бувххунни

Сентябрь зурул 16-нний Дагъусттаннал Исламрал университетраву хьунни жагьилсса аьлимтурал дянивсса диндалул элмурдал конкурс. Конкурсраву гьуртту хьунни щалвагу Аьрасатнавасса агьали. Ваниву хьхьичIунсса кIантту бувгьуминнан бахшишру дулун личIи бувну дия 3 миллион арцул.

 

Конкурсрал хIасиллу даврин хас бувсса мажлис хьунни «Аьрасат ттул тарихри» тIисса тарихийсса паркраву, чIявусса диндалул аьлимтал ва хIукуматрал къуллугъчиталгу бавтIун. Мажлисраву гьурттушин дуруна Дагъусттаннал Муфтий щейх АхIмад-афандинал, Башкирнал Муфтий Айнур-хIазрат Биргалиннул, Аьрабнал ЦачIунхьу Эмиратирттал бусурманнал идарарттал советрал каялувчи щейх МухIаммад аль-Бишарил, МухIаммад Идавсил ﷺ наслулиясса аьлимчу ХIабиб ХIусайн Сакьафул ва цайминналгу.

ХIасиллу дурну махъ цалчинмур кIанттун лайкь хьунни ДИУ-лул студент Закир Идрисов. Ванан бахшишран пишкаш бувунни автомашина ChevroIet Monza. КIилчинмур кIану бувгьунни вава Вузрал студент Багатаров Шамиллул. Ванан дуллунни 300 000 къуруш. Шамулчинсса кIану бувгьусса ДИУ-лул аспирантуралуву дуклакисса ИсяхIажиев АхIмадлун дуллуни 200 000 къуруш. Мукунма, 4-8 кIантту бувгьуминнангу дуллунни кьиматсса бахшишру.

2026-09-01 (Рабиуль-Авваль 1448 ш.) №9.


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...


Заннайн мютIисса кулпат

Кулпатрал оьрмулуву хъунмасса кIану бугьлагьиссар ласнал ва щарссанил дянивсса дакьаврил (гармониялул). Мунил хъунмур биялагу хъаннихьри. Ва макьалалуву бусанну цаппара маслихIатру, кулпат дакьаврил хIалданийн бучIан баву бигьа дуллалисса, цанчирча, мукунсса кулпатраву паракьатшиву, рахIатшиву ва...


Аькьлукартурал махъру

МухIаммад Идавсил ﷺ асхIаб Аьбдуллагь ибн Масъоьдлул увкуну бур: «Халкьуннал учай ххаллилсса махъру. Махъру ва тIуллу цасса инсанни талихIрайн уккантIисса. Махъру тIуллаха къалавхьхьума – аьй дуван лайкь хьумари».   Аьбдуллагь ибн Аьмрдухьхьун ца инсаннал буллуссар джигьадрал хIакъиравусса суал....


Суал-жаваб

ХIан даххайсса тучандалуву бухгалтерну зун бучIиссарив? Мукунсса тучаннаву ва цаймигу хIанттия хайр ласласисса идарарттаву бухгалтерну ягу цайми къуллугъирттай зун ихтияр дакъассар, хIарамссар. Мунинсса далилнугу хъанахъиссар хIанттиха зузисса инсантурал ацIва журалий Идавсил ﷺ нааьна дурсса, имам...


ТIайла буккан ва хьуна бакьин

Аллагьнал ﷻ халкь ляхъан бувну бур, цайва бивхьусса амрурду биттур буллай, дакIурдивусса мурадирттайн билланшиврул. Аллагьнал ﷻ амрурдугу так дин-чаклийну къуртал къашайссар, ми амрурдал вивлавсун буссар инсаннал щалва оьрму. Оьрмулул мутталий инсаннан чIявуну аьрххи-ссапарданийн уккан багьай....