Муфтиятраву колл-центр зузи бунни

Муфтиятраву колл-центр зузи бунни

Дагъусттаннал Муфтиятраву зузи бувну бур ччима инсаннаща оьвкуну суал булун, диндалул иширттал хIакъираву маслихIат ккаккан бюхъайсса колл-центр.

 

«Гьарца кьини жула инсантурал дянив хIасул шай личIи-личIисса диндалуцIун бавхIусса суаллу. Хъаннил бикIай арамтуннахьхьун булун начсса суаллугу. Мунияту жу хIукму буварду кIира телефон тIитIин. Хъаннил суаллахьхьун жавабру дуллантIиссар диндалул элму дурккусса хъами-душварал. Мукунма, арамтуннал суаллахьхьун жавабру дуллай буссар дин кIулсса аьлимтал.

ЧIявуми суаллугу бикIай эбадатрал, дахху-ласулул, кулпатрал багьу-бизулул хIакъиравусса. Оьвчаву ва маслихIат баву уквассар. Колл-центр зий буссар кIюрххил ссят 9-нния гьанттайннай ссят 9 хьуннин.

Арамтуннансса номер: +7 800 234-44-11, хъаннинсса номер: +7 800 234-44-01», – бувсунни колл-центрданул каялувчи Аьбдуллагь МухIаммадовлул.

2026-06-01 (Зуль-ХIижжа 1447 ш.) №6.


АцIлийнусса чири

Кьуръан буккаву МухIаммад Идавсил ﷺ суннат бушиву, чири хъунмасса даву душиву къакIулсса цучIав акъахьунссар. Мунияту гьарца бусурманчунал хIарачат буллан аьркинссар аьраб мазрай Кьуръан буккин лахьхьин. Расулуллагьнал ﷻ увкуссар: «Зувату яла ххуйма – Кьуръан буккингу лавхьхуну,...


Шинал дайдихьу

Бусурманнал календарьданул (гьижралул) цIусса шин дайдишайссар МухIаррам зуруя. Ванил ца агьамшивугу – инсаннал цала оьрмулул, тIуллал, давурттал хIисав дувайсса чIун хъанахъиссар. Оьмар-асхIабнал увкуссар: «Зула оьрмулул хIисав зува ласияра, зуятура хIисав ласуннин (дунияллия...


Вила тагьар кIул дува

Гьарцама бусурманчунан агьамсса зад бур цаятува Аллагь ﷻ рязи хьунмур буллалаву. Заннал рязишиву дияйссар жуйвасса буржру биттур буллай, бунагьмуния арх буцлай, хъинбаларду гьарза буллай. Циняв чакру, зумарду, цадакьартту щаллу булларчагу, бакIравун суал буххай: Аллагьнал ﷻ хьхьичIсса ттула тагьар...


Шанма хIакь

Идавсил ﷺ хьхьичIунсса асхIабтал Салман аль-Фариси ва Абу Ад-Дарда цIакьсса дустал бивкIун бур. Гайннал дянив дусшиву, уссушиву дацIан дурну диркIссар МухIаммад Идавсил ﷺ.   Ца кьини Салман увкIун ур Абу Ад-ДардачIан хъамалу. Ганан хIисав хьуну бур хъинну мискинсса къуш ва цихара къулагъас...


АхIмакьманал лишан

ХьхьичIазаманнай ца аькьлукар най ивкIун ур цала иширттай Бухаралив. Ганан ххуллул гьалмахчуну бакIрайн агьну ур хъинну маз чIявусса адимина. Ганал аькьлукарнахьхьун чIявусса суаллу буллай, жаваб дулуннин къаавцIуну, цала ва цайминнал оьрмурдавасса ишругу буслай, ивкIун ур.   Акьлукар...