Ттуплий буккаврил бяст-ччал

Ттуплий буккаврил бяст-ччал

Лакрал жагьилтурал ккурандалул ва ЦIуссалакрал райондалул КIулшивуртту дулаврил управлениялул сипталийну Новостройрай хьунни дуклаки оьрчIал дянивсса футболданул турнир.

Турнир дуван кумаг бувну бия ЦIуссалакрал райондалул ДЮСШ-лул директор Абакаров Анзордул, ДучIиннал администрациялул бакIчи АбутIалиб Аминовлул, Тюхчардал администрациялул Исаев Сунгъурдул, депутат Алхулаев Баширдул, GameZone05 тIисса тучандалул директор Рамазанов ХIажимурадлул ва «Новпласт» фирмалул.

Турнирдануву 4-мур кIану бувгьуна Гьамиящиял жагьилтурал, 3-мур кIану – Тюхчардал шяраваллил командалул, 2-мур – Тюхчардал школалул командалул, ххув хьунни ЦIуссалакрал шяраваллил команда.

ЛяличIисса бахшишру дуллунни Тюхчардал командалул вратарь Самадов МахIаммадрасуллун, ЦIуссалакрал шяраваллил командалул нападающий Ккурккиев Рамазаннун ва Тюхчардал шяравасса Расулов АхIмадлун.

ХIажииса ХIасанов