Бугъ’ятуль сааьлук – Пакьирнал мурад

(дайдихьу хьхьичIми номердай)

Шайху Щазилинал махъ хIисав дурну ххал барча,

Аькьлу буманан бувчIин вяъзанугу му гьассар.

Махъ учин щища хьунссар, аввал шартI вайннал вари,

Ма сива-Ллагьнаяту татIгьирул кьалб дувайссар.

Куллийнну Аллагьнаву фанаъ шаву ахирди,

Мунияр ххишала хьун кIанувагу бакъассар.

Мунихлуну увкуссар лисан буручча куну,

ДакIнил таржуман хьувкун, мунин сукут аьркинссар.

Мунил афатирттая вай хъинну нигьачIиссар,

Вания тахIзир буллай тачIав яла къалавгссар.

Шанма мунжигьат буссар, шанма мугьликат буссар,

Идавсияту хIадис бацIавугу сахIихIссар.

Сирру аьланиятрай такьвалий ацIавури,

Риза ва сахтIираву хIакьмуний махъ бусавур.

Гъина ва факьрулуву ца хIалданий икIаву,

Шанмагу манжизатрур, думанан нажат дуссар.

Гьава муттабаъри ца, шухIхIун матIаъри кIива,

Шамулчинмур иъжабри, нафсирай ва ашадссар.

Сулукрал асхIабтуран бидаятрай шай афат

Вагьму гъалабат хьуну, аьмалдайн чул бищайссар.

Саликнан кIул хьуну махъ фатхIулийну маърифат,

Аьмал чанни чIявури пикривагу бакъассар.

Оьшиврул дустал чан ба, миннал тIабъирайн къагьан,

Аьсийнах уругаврил кьасават хIасул дайссар.

Чапурчунах ургаврил, маккастурах ургаврил,

Залимнал гьаттардичIа хъиннува зия шайссар.

Ца гьантлун кьувт духьурча, аьфиятгу духьурча,

Идавсил увкуссари «Фааьла дунья аль-эфа».

Идавсин усват бува, хулуфаътал ххал бува,

Кьанааьтрай рязи хьу, циванни хIазран жапа.

ХIалал-хIарам къакуну цачIун дуллай ивкIсса хъус,

Мунфааьтрайнгу къадурккун, хьунтIиссара асафа.

Вин муния бакъассар тачIав камилсса неъмат,

Аькьлу бунан аьркинни хIадур бан цанма аьфа.

Хьхьу-кьини къаувкун дунияллуйн був захIмат

ЩунщуматIи щях бувккун щяв щунтIисса вил кьафа.

ЦIа дути дунияллул, ядува мунил ттущар,

БулунтIиссар Заннал вин Алжаннаву гъурафа.

Мунил цIа дуртун мукьах зарратгу вин циванни,

Цимурцагу кьадиртун, талаб ува Рауфа.

Агьлу-Ллагьтал тIутIисса цавай хавастал буссар,

ЗанначIагу сий дусса, учайссар агьлу-ссафа.

Миннахь Заннал учирча «Мара Алжан» увкуну,

Леххаву тIунссар миннал «Ма лана ва лагьафа».

Жул микку хIажат дакъар, жул мурад Инара Зал,

Макьукьара жуяту Вила Назар ЛатIифа.

Вила зарурат думур, дакъа чара бакъамур,

Сабабрай касбу дува, тIалаб дува ма кафа.

ЧIярусса лякъирчагу, хIалал-хIарам къакуну,

Ларгун махIрум антIиссар, казавин изантIафа.

Ризкьилун кафиль Залли, винмамур булунтIиссар,

Му кIулну ссабур дарча, гьассар му сирру-сафа.

Ссабур дан къабюхъарча, инагу касбу дува,

УрчIа канил захIматрай, ненттабакIрал гьухъ лихьлай.

ХIакь кIулнан хас дурссари хIакьнащал дайсса хIузур,

ХIакь хIакьну къакIул салик шайссарив му хIузурдай.

Нажагьлийкун ияйссар мяърифатрал макьамрайн,

Мартабату т-танкирдай джигьад даву сабабрай.

Мукун марцIгу къахьурча, варисгу акъахьурча,

Идавстурал макьамри, тамъ мабара хIиллардай.

Саликнал дан аьркинссар хIисав ласунсса чIунну,

Шамуннияр чан дакъа мизан дишин чурххирай.

Бувмур-банмур ххал бувну, цичIав гьаффат лякъирча,

Инкисар-факьрулийну чIяву хьунссар истигъфардай.

Ява ина арх уцу цама кьюкьин аврия,

Аьси кьюкьин маара, Заннал винма сси ликкай.

(гихунмайгу буссар)

Щайх Сайфуллагь-кьади Башларовлул  луттирава