Бугъ’ятуль сааьлук – Пакьирнал мурад

Бугъ’ятуль сааьлук – Пакьирнал мурад

(дайдихьу хьхьичIми номердай)

Ххишалагу ацIарча хъиннува афза́лссарча,

Бюхъарча хъинну ацIу – файз вин ххи хьунтIиссари.

Хьхьу-кьини аьм дуварча зикрулуву гъаркь хьуннин,

МутIлакьну тааьддудрай зикру рафъоь шайссари.

Вукьуфун кьалбилиймур агьаммур рукну хьувкун,

Аслугу му бухьувкун, банмуний важибссари.

Кьиям, кьуоьд, истижаъ, хIатта равахI фил халаъ,

Вакьту кьурбандаличIа, гьар хIалдай ялувссари.

Зикру тааьтраяту балики халий хьурча,

РухI дакъасса суратри, иътибар къадайссари.

Вукьуф забтI дурну мукьах ва на вихь бувсъсса куццуй,

ХIакь зикрул кьалбирайну мунал шугълу банссари.

ЖаварихI салик бувну лафзул жалалатрая,

ДакIнивусса джиръян мулахIаза данссари.

Ихтияр идрак микку чурххая салбу дурну,

Мунил мурабатIалий майитну ацIанссари.

Икрагь хIала къахьунну, марцI ихтиярданийну,

Самрат хIасул шай куццуй кьалб машгъул дувайссари.

Мукьаддасъсса затирал мулахIаза давриву

Тавагъул хьурча миву истигъракьгу гьассари.

Исму зикру къадурну муний истигъракь хьурча,

Истигьлакращал архIал му ахIсан акьва шайссар.

Зикрилияту мурад музкурди, зикри бакъар,

Му аьркинни кIулну бан, жагьлиймур хайбатссари.

Аллагь ку лафз бишаву цала дакIний икрагьай,

Жагьил муриднал шаънур, зад хIасул къашайссари.

Ма сива-Ллагьраяту гъайбатну хIасул хьуннин,

Мазкурнаву тавагъул цIакьну дан аьркинссари.

ХхюцIалазарда шинай ачIа Аллагь тIаврийну,

Мужараду зикрулий му вусул къашайссари.

Кьалбирай икрагь дарча, дакI мурчIи шайссар кусса,

Бабул-элму Аьлинал хIакь кIулнутIий куссари.

МулахIазату затрав дакI тавагъулну хьуну,

ХIузурдануву футур микку ялун диярча,

Хияллу оьруз хьуну тавфикьрая дагьарча,

КIилчин микку зикрулин кIура даен дуварча,

Тавагъул хIасул хьуну, гъайбатрал асар хьурча,

Зикрулия халийну мунийна таслим хьувча.

Футур оьруз хьу чIумал дакI кIура даен дуллай,

Ва хIаллай чун уккангу, сафа хьуннин ачуча.

Буллали зикрулуву васвас аьриз цан хьурча,

«Илагьи анта макьсуди» тIий тикрал буллай ацIуча.

Мунийну къадайщурча му ялун дирсса аьриз,

Сирру рабитIалийну дайщун тавассул бача.

Цала шарифсса кьадам дакIнил дянив бивхьуну,

Васвасру экьи личин муаьмала цIакь бача.

Гъафлат, хатIрат, футурду дакIниву хIасул хьурча,

Инкьибаз гъалиб хьуну, дяркъу щинай шюшача.

Балики маъзур хьуну, муний кьудрат къахьурча,

Хъинну кIирисса щинай миккугу гъуслу бача.

Гъафлат-хатIратраяту, су́ул адабраяту

Заннащал я шайхнащал истигъфар марцIну бача.

Кьуния ххюйла хьуннин истигъфар бувну мукьах,

Ссаляту ттавбатрая кIира ракат бувача.

Я мулахIаза дача му микку хьусса хатIрат,

Аллагьнан миръатшиврий мунингу чантI укуча.

Микку тасбихI даврищал я Фааьлгу увкуну,

Мяъна мулахIазалий хъинну мадд ташдид дача.

Завкьирайну дакъасса, муршид васитIалийсса

БукъавчIай мурардури, гьич инкар мабарача.

Сирру сираят хьуну, аьжаиб хIал бучIайссар.

Аллагьнал фазлулийну вила нисбат марцI хьурча.

Нанисса щинал чIунил, я бивщу мурчал чIунил

Дардирдан дарман шайссар баситIрайну хьулучIа.

Цайминнал бувсунгу бур ми дафоь дан асбабру,

ТIахIундалул чIунийну инкисар букаърачIа.

ХIадисун кьудси бури мункасирнаву бувкIсса,

На уссара ку Заннал Ттухлу дакI гъаргъминначIа.

                         (гихунмайгу буссар)

Щейх Сайфуллагь-кьади Башларовлул луттирава