Бугъ’ятуль суълук – Пакьирнал мурад
Бугъ’ятуль суълук – Пакьирнал мурад
(дайдихьу хьхьичIсса номердай)
Ми бакъасса цаймигу хъуни-хъунисса ишру Миннул хасаисрури, инкар бан къабучIисса. Вай гьарица асардан тIарикьарду буссари, Шикку ми тафсир барча, мухтасар лахъи хьунссар. Даваму таважжугьрал муракьаба архIалсса Мартабатул-вазарат ялун таратуб дайссар. Басират нурну шайссар, гьарзадран миръат шайссар, Мулкирал малакутрал тасарруф бигьа шайссар. Нафью ва исбатраяр муракьаба аълассар, Таважжугьгу афдалссар, жазбатрайгу акьрабссар. Имандалул мафгьумрай, исму-ззатрал мяъналий Кьалбун мулазам шаврийн муракьаба учайссар. Истигъракь истигьлакрай личIи къашайсса куццуй, ХIархалданув духьурча, таважжугьгу учайссар. Муракьабатул аьйн тIий цамургу тасриф дуссар Заннал назрулийнусса элмул-кьалбрайн учайссар. Муракьаба таважжугь жуннагу бигьа даннав, Заннал тавфикь дулурча, цинярда бигьа шайссар. Аллагьнал ляхъан дуркун вай халкьуннал арвахIру Ликкан кIану ххал буллай дацIаву къархьуссари. Аллагьнал амрулийну ликкан буюр бувккукун, Алжан ва дуржагь бакъа кIану къалявкъуссари. Аькьлу бунан аьркинни хайрмур манзила ххал бан, Лагьнал був хIарачатран Заннал сабаб дайссари. ВахIъю вийн ликкарчагу, увгьусса устар акъа Миккугу мюнпат ласун вища къахьунтIиссари. Амма ина арх уцу изну бакъа щейхная, Муная шайсса фитна мюнпатнияр чIявуссар. Вила мяънавий насаб хIиссиймунияр хьхьичIсса Изну бакъасса устаз – ппу акъасса насабри. Щейхнал асарданийсса ца кулхилафат бакъа, Мужаррадсса цIанийну хIукму бан захIматссари. Оькки ахлакьирттая мурид кIункIу увайсса ЗанначIан иршад айсса щейх икIан аьркинссари. ИдавсичIан ﷺ дияннин силсила дачин даву Расулнал наибшиврий ацIайсса щейхнал шартIри. Машайхатрал ххуллурду кIулсса икIан аьркинни, Му элмурагу дакъа иршад дан махIалссари. Гьари бай иширттаву риязат аьркинссари, Рияза къабув чурххал пайда къабулайссари. Завкьирал кьанкь дакъасса загьир-элмулул заллу Валинайн инкар буллай муфлисну личIайссари. ЖахIдирахун агьайссар, мужадалат цIакь шайссар, Суул-хатиматрайну ахир къуртал шайссари. Элмулий аьмал бувну, тасаввуфравун увхма Умуд бишин бучIиссар му хIаизул-карамрайн. Щейхнал цала адабру кIулсса икIаву шартIссар, Цукунсса ухьурчагу иршадран къаучIиссар. Ахлакьу-ссайиатру вив дакъасса аьркинссар, Ахлакьу-хIасанатрай чурх вардишсса аьркинссар. Цама щейхнал муридтал вирд дула тIий бувкIукун, Миннахь насихIат бувсун зана битан аьркинссар. Мурид чIяву маара вила цIа машгьур дуллай, ЩяйтIан чIяву хьунтIиссар, винма суал хьунтIиссар. Хаснува ва заманнай пикри бувну хIисав да Мурид учин бюхъайсса цими лякъин бюхъанссар? Муриднал дазу вари, агар муридрив ччисса, ХьхьичIа-хьхьичIсса шаттирал дуньял кьадитан ччиссар. КIилчинмур шаттирайну ахиратгу кьадиртун, Шамулчин бизаймур ша АллагьначIан аьркинссар. Маъзунтал мабулларда иршадран агьлури тIий, Миннайну цIа хъун дуллай, хъяврин хьуну личIайссар. Садатътурал рухIрая истихар бувну мукьах Винма амру барчагу, миккугу пикри ччиссар. Маъзун учин багьарча, му хъунмасса амрури, Му бигьа мабизара, ява ччан ччех бикIайссар. Цал миннал дазу дува, цукунсса аьркинссарив, Миннал бувмунил жаваб вияту ласунтIиссар.
(гихунмайгу буссар)
