Бугъ’ятуль сааьлук – Пакьирнал мурад

Бугъ’ятуль сааьлук – Пакьирнал мурад

(дайдихьу хьхьичIми номердай)

Муршиднан назар дуссар ихласрачIа дияйсса,

Фасикьнайн диярчагу, му вусулну шайссари.

Ца лахIзалий гъафлатгу муриднан му хатIратри,

Шарикнай Зал гъаюрди, цама кьамул къаайссар.

Файзрайн истимдад дуллай дакI хIузур даврил сурат

Дунья-ухралияту хиял кьукьин банссари.

Гьарица мавжудрая Аллагьная сивамур

ДакIниву хъама диртун, гъайбат хьун аьркинссари.

Му куццуй урганссари цала кьаърул кьалбирайн,

Илагьийсса файз чIа тIий саилну ацIанссари.

Муршиднал кьалбирая файзран мунтазир хьуну,

ДакIнийн дакI лачIун дурну, мулахIаза данссари.

Гъапул акъасса куццуй мукьаддасъсса затрая

Гъаятул-аьтIширайну истимдад буванссари.

МахIаббат-тазарруърай мунал дакI фатхIу хьурча,

Хъявхъ тIисса хьхьири хьуну, файз ялун дияйссари.

Муриднал идрак шаву вусулданун шартI дакъар,

Вусулданинсса якьин дикIаву мунан шартIссар.

Арулчинмур адабрал – вирд, хатму, зияратри,

Адаб риаьят даву шартI кунна ялувссари.

Адабул вирд вузуъри, халий макан фирагъри,

Аьксу таваррукрайну кьиблалийн таважжугьри.

Хариджий шавагъилду дакIния буккан бувну,

ХIавасругу кьатIъ бувну, истигъфар буванссари.

Иттибаоь суннатрал адабрай таъйид а́ тIий,

Ихласрай зикру буван тавфикь чIа учинссари.

ХIуснул-хатиматрайну виннагу дуаь дурну,

Мартаба лавай ба тIий муршиднангу данссари.

Суннатмур ихIяъ буван, шариаьт сафаъ буван,

Мяърифат-истикьамат ихласрай чIа чинссари.

Инфиаьлун кьусурий душиврий дакIних ургун,

Тазалаллул тазарруърай музтIарну ацIанссари.

Яла микку буккинссар ФатихIагу Ихласгу,

Багьауддиндул рухIрайн гьадиятну банссари.

Яла яру лавкьуну, ивкIуну хIисав дурну,

Сарирданий шювшуну макуфну ацIанссари.

Мичча гьаттав ивхьуну, гъанмигу зана бивкIун,

Цала аьмалданущал яисну ккал хьунссари.

Зуллу масканатрайну Заннал хьхьичI ацIан аврий

Ца рубъоь ссаът хажалатрай мулахIаза данссари.

Муршид васила увну, дакIнил хьхьичI ацIан увну,

КIивагу янил дянив урувгун ацIанссари.

Руъятрай я вужданнай, къахьурча якьиндалий,

МахIаллул файз бушиврий назар къакьукьинссари.

Нафсул хазанатравун рабитIа духхан дурну,

Чарак сааьт муддалий хIифз даву акьвассари.

Мунал шариф важгьирай дакI мулахIаза хьурча,

Мунал нафсирах нафс буруглай хъинну ажмаъ шайссари.

Му ажмаъну шайссари тафрикьтарая архну,

РабитIатун шарифа мунин цIа учайссари.

Нафс мугьаззаб бувавур, хъунмур рукнугу мури,

ХIакьикьий файязная фазран манбаъгу мури.

Мунихлунур увкусса баъзул мухIакъикьиннал

Му кIанттайсса рабитIа зикрулуяр хъинссари.

Муршиднан кьамул хьума Заннал кьамулну шаврий

Гъаятрайну иътикьад муриднай аьркинссари.

РабитIалия мукьах кьалбирай я мазращал

Анта макьсудий тIи махъ шамила учинссари.

Мяъналул мулахIаза камалданий ххал дурну,

Сидкьирайну кьасд дурну, ихласрай ацIанссари.

Яла машгъул хьунссари вукьуфул кьалбирайну,

ХIавасру цачIун бувну шугълу кьукьин банссари.

Цаняр идракатрайну дакIнил таважжугь бувну,

Мукьаддасъсса затирайн дакI таважжугь данссари.

«Аллагь» кусса лафзирал мулахIаза ххал дуллай

Рубъу ссаът кьадарунний афилну ацIанссари.

(гихунмайгу буссар)

Щайх Сайфуллагь-кьади Башларовлул  луттирава