Ххувшаврил кьини

Ххувшаврил кьини

Ас-саламу аьлайкум ва рахIматуллагьи ва баракатугь!

ХIурмат лавайсса Буттал КIанттул ЦIанийсса дяъвилул ва захIматрал ветерантал! ДакIнихтуну барча буллай ура зу Ххувшаврил кьинилущал! Ва ляличIисса, мяйжаннугу циняв миллатирттан сий бусса байранни. Ваниву гьарца кулпатрал ва тухумрал тарихрал бутIа буссар. Жунма дакIнийссар ва тачIав хъама къабитантIиссар жула миллатрал бувсса гьунаргу, ххувшаву ласун бивхьусса захIматгу, жанну кьурван дурсса виртталгу. Гай шиннардий зу ва зул уссу-ссурвал хIукумат дуруччин лавай бивзун, билаят цIу буккан бувну, хIакьину яхъанахъиминнал ялув марцIсса ссав дикIансса ва гьунттийсса кьинилий вихшала дишин бюхъансса хIарачат бувссар.

ЛичIисса барчаллагь учин ччива ссахчIав къабурувгун га дяъвилул шиннардий фронтран аьркиншинна хIадур дуллай бивкIминнахь, захIмат бивхьусса хъаннихь ва чIавасса оьрмулуву хъуниминнаяр махъун къабагьну зий бивкIминнахь. ХIайп, ветерантал шиная шинайн чансса личIлай бур. Гайннаха хIурмат баву ва пахрулий бикIаву – жущава бан шаймунива яла чанмурди. Оьрмулул хъунаманаха адав-хIурмат баву гьарца инсаннал тIабиаьтраву бивхьуну бур Заннал. Имам Тирмизил луттиравусса хIадисраву увкуну бур: «Мюрщиминнай цIими къабувайма ва цаярва(оьрмулул ва элмукIулшилул) хъуниминнал хIурмат бакъама жуватува акъар». Ххирасса ветерантал, зу гай шиннардий дурсса виричушиврул ва буттал кIанттухсса ччаврил жугу гьуз чин буллай буру ватандалул цIаний жущава бюхъайсса захIмат буллан.

Аллагьнал ﷻ зухьхьун цIуллушиву дулуннав, оьрмурду лахъи баннав, зух аякьа дуллалими тачIав чан къахьуннав!

ДАГЪУСТТАННАЛ МУФТИЙ ШАЙХ АХIМАД-АФАНДИ

2026-08-01 (Сафар 1448 ш.) №8.


МухIаммад Идавсил ﷺ оьрмулия

Идавс ﷺ дунияллийн увкун, мунал ниттин Аминатлун ккарккун дур муная нанисса нур, лагмамур чаннагу дурну марцI дуккан дуллалисса.   Ца ппурттуву чIавасса МухIаммад ﷺ оьрчIащал тIуркIу тIий уна, муначIан увкIун малаик Жабраил, тIитIин бувну Идавсил ﷺ хъазам, мунал къюкI мусил тIясраву зам-зам...


25-ва тикрал бува

Маэшат гьарта хьуншиврул ишла бувайсса багьантту цIухлалими чан къашай. Миннувату яла агьаммур, гьанумур цила чIумал ххювагу чак бавури, циняр шартIру, рукнурду, адабругу щаллу дурну, хъирив дуккайсса азкардугу дурккуну.   Мукунма, маэшат гьарза хьуншиврул хъинссар зухIа-чак баву, шанан утту...


Суал-жаваб

Чак бяличIан буван бучIисса ишру цумири? Фаризасса ва ссуннатсса чак бяличIан баврил хIукмурду личIи-личIиссар. ЦукунчIавсса багьана бакъанува чак бяличIан буван къабучIиссар, хIарамссар. Амма хъуслин зарал шавриясса нигь куннасса тагьардануву чак бяличIан буван ихтияр дуссар. Чак буллалиманан...


Къатлуву барачат

Бур ца-цавай къатри, личIину авадансса ва хъуслил бувцIусса бакъахьурчагу, гиву бигьану ссихI ласун шайсса, дакI дигьа лагайсса. Гивун буххайхту кIул шай: шиву рахIатшиву, барачат, гъелишиву дур. Мукунма, хьунабакьай цаймигу – ххирасса хъус-кьайлул бувцIусса, марцIшиврул пар-пар тIисса, амма...


ХIакьсса мяърипат

ЦIанасса социал сетирдал заманнай сакин хьуну бур аьжаивсса масала: жула дакIнил энергия кьатIурдай дурган дурну, цайминнайх дарчIуну, кулпатран так увхсса, ссахчIав гъира бакъасса инсан личIлай ур. Мукунсса тагьарданул кулпатраву тIааьндакъашивуртту чIяру дуллай дур, лас ва щар кунная ку арх...