Пайдалы ёравлар
Пайдалы ёравлар
Алтынны (ташларсыз) йыртыллайгъан этмек учун, водородну перекисин нашатырь булан бир тенг этип булгъама тарыкъ. Безенчикни шо растворну ичине бираз замангъа сала, тарыкъ буса тиш тазалайгъан шётке булан ишый.
– Чудугъа, пирожкиге яда шолай оьзге ашлагъа салынагъан тююлген эт бирден-бир татувлу болсун учун бир кило этге 1 уллу къашыкъ шекер ва сельдерей оьсюмлюкню тамурун уватып, шону 1 уллу къашыгъын къоша. Сельдерейни орнунда ташкъабакъны (кабачок) къолламагъа да ярай.
– Къайчыны тез итти этмеге тарыкъ буса, фольганы алып, бир-нече керен бюгебиз ва къайчы булан сонг шону гесебиз. Шолай этсек, къайчы итти болажакъ.
– Водородну перекиси булан пластик къутукъланы тазаламагъа бек онгайлы. Пластикге перекись себелеп, ярым сагьатгъа шо кюйде къоябыз, сонг таза сув булан чаябыз. Шолай этсек, микроблар ва бактерийлер ёкъ бола, яман ийис де тая.
– Аякъгийимлерден яман ийис тайдырмагъа сюе бусакъ, кагъыз алып ичине аш сода тёгебиз, бюгебиз ва аякъгийимни ичине салып гечеге къоябыз. Эртенге ийис таймагъа тарыкъ.
