Исбайы болма четим этеген гиччиден гелеген мердешлер
Гетген асруну 90-нчы ва 2000-нчи йылланы башында оьсгенлер: «Ашап битдирмей туруп, тепсиден турмажакъсан!» – деген буйрукъну эшитмей къалмагъандыр. Сен саялы шорпаны, пилавну гьаран-гьаран ашап битдиреген ананы яда уллананы сагъа яман къарайгъан къараву эсигиздеми? Гьали биз уллу болгъан сонг, къачан ва нени ашажакъны оьзюбюз билебиз. Амма аш булан байлавлу мердешлер къаныбызгъа сингип къалгъан ва гьалиги ашавубузгъа таъсир эте.
1. Татли яшав.
Гиччи заманыбыздан берли уьйренген кююбюзге гёре, гьар къарсалавлу гьалдан сонг оьзюбюзге кампет савгъат этме герекбиз. Татлилик булан бизин сююндюре, ругьландыра ва рагьатландыра гелген. Оьсген бусакъ да, торт яда шоколат булан оьзюбюзге маслагьат этеген кююбюз къалмагъан. Татлилик савгъат тюгюл, бизин гьамангъы ашыбыз экенге оьзюгюзню инандырма къарагъыз.
2. Алдынга салгъан затны аша.
Гиччи заманыбызда уьстюнде кюстюне туруп, хыйлы сагьатлар йиберген кашлар эсигиздеми? Йылай туруп гёзьяшлардан тузлангъан шорпаны битдиреген кюйню унутгъанмысыз? Энни эсли болгъанбыз ва ушатагъан ашланы ашама болабыз.
Нени ашама сюегеник – шо дюр маълумат. О-бу ашны ушатмайгъаныкъ татыву арив тюгюл саялы болма бола, яшдан гелеген сюймеслер болмакъ борч тюгюл.
3. Анам ва атам учун.
«Бир къашыкъ – маманг учун, бирдагъы къашыкъ – папанг учун...» Эсигиздеми? Яшдан гелеген бирдагъы «адат» – биревню де хатири къалмас учун, ахыр бюртюкге ерли ашап битдирмек. Къурсакъ тойгъанмы, тоймагъанмы – башгъа тюгюл.
Диетологлар айтагъан кюйде, бу дюр тышдан гелеген буйрукъ – ач саялы тюгюл ашайгъанынг, биревге ярамакъ яда биревню хатирин къалдырмас учун ашайсан. Яшдан гелеген бу «адатны» яшлыкъда къояйыкъ ва бары да ишлерде саламатлыкъны ёлун тутайыкъ: ашдан башлап, яшавну гьар мюгьлетине дегенлей.
