Пайдалы ёравлар

Пайдалы ёравлар

• Балны сан янын билмек – бир уллу саният ва бу бек ажайып пайдалы сурсат гьар кимни уьюнде бардыр. Бал яхшымы/тюгюлмю деп билмек учун халкъ арада къолланагъан дёрт къайданы таклиф этейик: 1) агъызагъанда, къашыкъны нечакъы оьрге гётерген булан, бал агъызагъаны бёлюнмеге герекмей; 2) агъызагъан ерине бал гиччирек тёбе болуп жыйыла; 3) арив бал агъызагъанда чачырамай; 4) бир къашыкъ балны бошгъапгъа салып, шогъар бираз сув къошуп булгъаса, герти балда хырцны (соты) сураты гёрюнежек.
• Кёплени уьйлеринде, ярыкълар тайып къалагъан гезиклерде къолламакъ учун, майчиракълар бардыр. Майчиракълар, айрокъда назиклери, шайлы артыкъ янсын учун не этмеге герекни билемисиз? Совет девюрде булай пайдалы гьилла ёравлар кёп болгъан, энни шоланы эсге алайыкъ. Картопны уьст ва тюп янын гесип тайдырабыз. Сонг гесилген картопну бир янын столгъа салабыз, уьст янында буса тешик этип, ичине уьч (яда бираз кёп) спичка таякъ чанчабыз ва этилген тешикге толтуруп тёкмей урлукъ май тёгебиз. Муна, майчирагъыбыз гьазир, къолласа бола.
• Кёплер ажайып пайдалы чювюндюр (свёкла) овошну сюедир. Шондан сонг къолланы нечик тез тазалама болагъан кюйню билемисиз? Ёравланы бир къайдасы – сирке ханц (уксус) къолламакъ: чювюндюр булан батгъан къоллагъа шону бираз тёгюп, ишыма тарыкъ. Узакъ къалмай къоллар тап-таза болажакъ.

Юлия Зачёсова