Шавурдан этилген печенье
Шавурдан этилген печенье
Сувгъа салынгъан хыярны ва помидорну шавурун кёплер ташлап къоя. Амма шону ташламай къолласа, алай арив печенье биширме бола.
Тарыкълылары (уьч адамгъачакъы): шавур – ярты стакан, ун – 3 стакан, шекер – эки уллу къашыкъ (печенье татли болмай, тузлу болгъанны сюе бусагъыз, шекер салмай, уллу къашыкъны яртысычакъы туз салма ярай), урлукъ май – ярты стакан, сода – гиччи къашыкъны яртысы.
Хабаны ичинде шавурну, урлукъ майны ва шекерни (яда тузну) къошуп, сонг шогъар ун ва сода къошабыз. Хамурну булгъайбыз. Сонг хамурну тепсиге чыгъартып, окълав булан яябыз. Стакан булан хамурдан дёгериклер этебиз яда оьзге алат булан башгъа къайдалы гесеклер этме де ярай. Сонг буланы тавагъа салып, 190 градусгъа ерли къызгъан печни ичине 10–15 минутгъа йиберебиз. Бишген сонг, чыгъартып сувума къоябыз. Чай булан ичмеге алай арив вы тынч этилеген татлилик!
