Пайдалы ёравлар

• Уллу болгъанда бир-бир къатынгишилеге гармонлар булан байлавлу болуп, тюк оьсмеге башлай. Оьр эрини уьст янында, сакъал тюбюнде тюк чыгъып, эрши гёрюнеген бола. Шу масъаланы куркуманы кёмеги булан чечмеге ёл бар. Бетине сюртеген «маска» этмек учун бир къашыкъ куркуманы бир къашыкъ 15 процентлик къаймакъ булан булгъай (тюк къалын буса, бир къашыкъ дюгю ун да къошмагъа ярай – дюгюню блендерде яда кофемолкада уватып, шону уьйде де этмеге бола). Шо кюйде булгъап этилген къалын затны тюк оьсеген ерге бираз ишый туруп сюртебиз. Бу «маска» бетиндеги бир-бир оьзге масъалаланы да чечмеге бола. 20–30 минутдан «маска» толу кюйде къуруй, сонг шо ерни сув булан жувабыз (сари тамгъаланы тайдырмакъ учун кефир къоллама да ярай). Уьч жуманы ичинде бир гюн къоюп, бир гюн сюртебиз шону. Бираз узакъ этмеге де ярай. Бетдеги тюклер бара-бара назик бола, сонг тайып да къала. Гёнге пайда болса тюгюл, зарал болмай.
• Чач яхшы оьсмек учун натижалы къайдаланы бириси – дюгю сув къолламакъ. Бу кюйню белгили докторлар таклиф эте. Дюгю сувну этеген эки ёл бар.

Биринчи кюй: къазангъа 6 стакан сув тёгюп, 1 стакан дюгю къошула, сонг 30 сагьатгъа къоя. Шо заман оьтгенде дюгюню тайдырабыз, къалгъан сувну къоллайбыз.

Экинчи кюй: къазангъа уьч стакан сув тёгюп ва ярты стакан дюгю къошуп, къайнатабыз. Къайнагъан сонг, дюгюню тайдырабыз. Шампунь булан чач жувгъан сонг, сув булан чайып да битип, йылы дюгю сувну чач тамурларына ва чачны узунлугъуна дюгю сув тёгюп, 20 минутгъа къоябыз. Бу къайда чачны «жанландыра», оьсмеге болушлукъ эте, сав сакълай.

Юлия Зачёсова