Тутгъан оразагъызны Аллагь ﷻ къабул этсин!
Тутгъан оразагъызны Аллагь ﷻ къабул этсин!
Аявлу къардашлар ва къызардашлар!
Рагьмулукъну, гечивню ва тазалавну бу сыйлы рамазан айындан оьтмеге болгъаныбыз – Есибиз бизге берген уллу савгъат ва шо саялы юреклерибиз шюкюрлюкден толгъан.
Шу берекетли гюнлерде тутгъан оразаларыбызны, дуаларыбызны ва яхшы ишлерибизни Есибиз Аллагь ﷻ къабул этсин, деп тилеймен. Уьзюрю себеплеге гёре муратларына етмеге болмагъанлагъа буса, Яратгъаныбыз оланы таза негетлерин багьалап, Оьз чомартлыгъындан берсин, деп алгъыш этемен.
Бу сыйлы айны берекети юреклерибизде сав йылгъа узатылсын, деп ёрайман. Берекетли рамазан бизге гюч, чыдамлыкъ ва гьакъыл береген ай болсун. Аллагь ﷻ бизин оьзюбюзню, яшларыбызны ва къардаш-къурдашларыбызны балагьлардан, къыйынлыкълардан ва питнеден сакъласын, яманлыкъны ювукъ этмесин, уьйлерибизни парахатлыкъдан, иссиликден ва гелишликден толтурсун.
Шу байрамыбыз бизин учун ругь тазалыкъгъа, къардаш гьислени ювукълашдырывгъа, адам урлукъну арасында татывлукъ ва парахатлыкъ гелтиривге элтеген абат болсун.
Байрамыбыз Ислам динге дагъы да ювукъ болмагъа, яхшылыкъгъа ва рагьмулукъгъа гелтирсин!
Барыгъызны да Ид аль-Фитр – Ораза байрам булан къутлайман!
