Тутгъан оразаларыбызны Аллагь ﷻ къабул этсин!
Ассаламу алейкум ва рагьматуллагьи ва баракатугьу!
Аявлу къардашлар ва къызардашлар! Етишип гелеген Ораза байрам булан гьакъ юрекден къутлайман сизин. Бу байрам ораза тутув, дуа этив, товбагъа тюшюв ва ругь оьсюв булан толгъан рамазан айны жамын чыгъара.
Уллу байрамыбыз рагьмулукъну, бир-биревге кёмек этивню, ювукъ адамланы гьайын этивню ва Ислам динни оьзге къыйматлыкъларын эсибизге сала. Къардаш аралыкъланы абурламакъ, амалсыз яшайгъанлагъа кёмек булан агьамият бермек, айлана якъдагъыланы гёнгюн алмакъ – байрамыбызны аслу маънасы.
Ватаныбыздан йыракъдагъы, хас асгер гьаракатдагъы бизин къардашларыбызгъа бакъгъан дуа бу гюнлерде айрыча агьамиятлы. Есибиз Аллагь ﷻ оланы ругьун къатдырсын, аманлыкъ берсин ва яшавун сакъласын. Яратгъаныбыз элибизге парахат яшавлукъ берсин ва уланларыбыз тез-тез уьйлерине эсен-аман къайтсын, деп тилейбиз.
Есим Аллагьдан ﷻ тутгъан оразаларыбызны, дуаларыбызны, яхшы ишлерибизни къабул этсин, деп алгъыш этемен. Есибиз гьакъыкъатны ёлунда бизин токъташдырсын, Аллагьны ﷻ дазусуз рагьмулугъуна шюкюрлюк этегенлерден болайыкъ. Ораза байрам берекет ва шат хабар гелтирсин, бирлигибизни сыкълашдырсын, къардашлыкъ гьислени артдырсын, бир-бирибизге бакъгъан сюювню кёп этсин ва тюз ёлгъа бакъдырсын.
Байрамыгъыз къутлу болсун! Рагьмуну Еси барыбызгъа да берекет ва парахат яшавлукъ берсин.
