Аслияб гьумералде

Аварагасул ﷺ гIумруялдаса цо-цо суалал

Аварагасул ﷺ гIумруялдаса цо-цо суалал

Аварагасул ﷺ сахаватлъи кинаб букIараб ва кинал садакъаби гьарулел рукIарал?

Аварагасул ﷺ сахаватлъиялда бащадаб сахаватлъи лъилго букIинчIо. Гьев сахаватав вукIиналъе гьев лъалевщинав чияс нугIлъи гьабуна. Жабирица абуна Аварагасда ﷺ цо жо гьарун хадуб гьес кьеларилан кидаго абичIилан. Ибну ГIабасицаги абуна Авараг ﷺ лъикIлъиялъе гIадамазул бищунго сахаватав вукIанин, рамазан моцIалъ цIакъго-цIакъ сахаватав вукIанин. Гьавазиназул гъазаваталдаса щвараб давла гьес цо чиясе нус-нус варанаби кьолел рукIана.

Цо нухалъ гьесухъе 90 азарго диргьам битIун бачIана, гьес гьеб кинабго цо туртида тIадги лъун бикьизе байбихьана, ва кинабго бикьун хадуб гурого гьев тIаде вахъинчIо. Цо-цо чиясе гIиял кIудияб рехъенги кьолаан. Мискинчиясе кьезе жо гьечIони гIадамазухъа къарзалъе босунги кьолаан. ГIемер кьейин абураб мехалъ гьев вохулаан. Гьесул сахаватлъиялъул бицун рагIалде бахъунаро. Гьеб букIана бацIадаб, Аллагьасе гIоло. Гьес бикьулеб гIемераб садакъа бихьун ханзабигицин хIайранлъун хутIулаан. Гьарун вачIарав чиясе ахирисебги кьолаан Хирияс, жиндиегоги жиндирго хъизамалъегицин течIого.

2026-03-15 (Шаввал 1447 с.) №6.


Медалалдалъун кIодо гьаруна

РФялъул Оборонаялъул министерствоялъул медаль ва цогидалги шапакъатал кьуна «Инсан» фондалъул хӀалтӀухъабазе ва кумекчагIазе. Медалалдалъун кIодо гьаруна СВОялъул заманалда гьез гьабураб ва гьабулеб бугеб кумекалъухъ, гьединго, ВатIаналъул унго-унгоял патриотал жал рукIин бихьизабулеб...


Камил гьабила

ГIибадат гьабиялъулъ тамахлъи лъугьиналъ жанисеб бацIцIалъиялъеги чучлъи лъугьуна. Амма инсанас гIемер гIибадат гьабунагIан, рухIияб рахъги камиллъула. Диналъ нилъее, гIибадаталда даимго рукIинедухъ, Аллагь рази гьавизе хIаракат бахъиялъул мурадалда кьун руго паризаял гурелги гIамалал...


Цолъиялъулъ букIуна баракат

Шамил районалъул Гъоркьа Бакълъухъ росдал жамагIатгун дандчIвана ДРялъул муфтиясул заместитель Насрула Абубакаров, миллияб политикаялъул рахъалъ министерствоялъул ва районалъул администрациялъул вакилзаби. Гьениб бицана цоцазе кумек гьабизе, цадахъ рекъон вацлъиялда рукIине ва хасго гьаб рамазан...


ГIалимзабазул советалъул резолюция

2026 соналъул 11 февралалда тӀобитӀараб ДРялъул ГӀалимзабазул советалъул данделъиялъул хIасил гьабун, жакъа къоялъ чара гьечIел диниял, тарбия кьеялъул, хъизамалъул, жамгӀияталъул ва социялиял суалазул халги гьабун, ГӀалимзабазул советалъ, ТӀадегӀанав Аллагьасда ва жамгӀияталда цебе жидерго бугеб...


ХIикматал махлукъатал

Оляпка   Гьеб буго гIажаибаб хIинчI. Къадако хIанчIазул тайпабаздасан кколеб гьеб буго лъелъе кIанцIизе ва жаниб хьвадизе гьунар бугеблъун.   Гьеб букIуна цIорорал хехчвахулел мугIрузул лъаразул рагIаллъабазда. Лъелъеги кIанцIула квачаялъухъ хал гьабичIого. Лъелъе кIанцIула квен...