Ахlмад-хIажиде

Абу-Бакар Сиддикъгlан ритlухълъиялда чlарав,
Гlумарул Фарукъ гlадав жиндир гlадлу битlарав,
Зуннурайни Гlусмангlан сахаватлъи бергьарав,
Гlали асхlабасулгlан бахlарчилъиги бугев.

Аварагасул  суннат кьуричlого тlубалев,
Аллагь разилъиялъе тlолго гlамал гьабулев.
Гlадамазул ургъелалъ жиндирго ургъел тарав,
Ахlмад-хlажи афанди, хирияв нижер муфти.

Рухlанияб рахъ гуреб, тlолго маслахlат бугеб,
Муфтияталъул хlалтlи жинца нухда регlулев.
Пайдабазул хазина, гlелму бикьулеб ралъад,
«Ас-саламалъул» дагlват кибго тlегьазабулев.

Ракlал къачlан нур балев, рухlазе дару кьолев,
Чурхдузе, больница бан, сахлъи тlалаб гьабулев.
Школагун ясли-ахал, жиделъ гlелму бикьулел,
Гьитlинго лъимал куцан, исламияб лъай кьолел.

Гlелмудул хиралъи лъан мадрасаби рагьарав,
Аза-азар мутагlил жиделъ гlалим лъугьарал.
Гlелмуялъул рахъалъа Дагъистан тегьаялъе
Тlолго сабаб балагьун, кlвараб кумек гьабуна.

Мутагlилал хирияв халкъалъулго цевехъан,
Нижер баркалаялъул, унго, гlорхъиго гьечlо.
Нижей щвараб гlелмуги гьеб цlализе тавпикъги
Аллагьас нуж сабаблъун нижее кьураб буго.

Щибаб дугlаялдаги, къойил какда хадубги
Нужее лъикlаб гьари нижеда тlадаб буго.
Хирияв устарасул баракат камугеги,
Сахлъигун тавпикъалда даим Рахlманас таги.

Ракlалда бугебги кьун, Бичас кlодо гьавеги.
Ахlмад-хlажи разияб нухда Дагъистан аги.
Гьесул мурадги тlубан, кибго Ислам гвангъайги.
Берцинал тlабигlатал щивасулъе лъугьаги.

ХИЗРИЕВА ХАДИЖАТ