Фонд – «Инсан»
РекIелъ иман бугел, гьурмалъ нур бугел,
Сахаватал васаз, гIуцIцIараб «Инсан».
Къварилъи ккаралъур, хIалай ратулел,
ХIал щвараб бакIалде, аскIоре щолел.
МискIиназул мугъчIвай, пакъиразул хьул,
Хьул буссинабулел, анищ тIобалел.
Ихдал гъутIбигIадин тIегьан бачIаги,
ТIад гIемераб пихъ бан, мун бечельаги.
Бечедазул квералъ, цIеги гьел цагърал
Гьезул зутIаралда баракат лъеги.
Бокьун гуронани, кьезе ккогеги,
КьурабгIан гурони тIаса унгеги.
Щуабилев Халиф-ГIумар ГIазизил
Заманалъ кинниги, халкъ бечелъаги.
Баракатгун рахIмат тIадеги чвахун
МискIин пакъирав чи, къанагIатлъаги.
Машааллагь берцинлъи, гьаб исламалъул,
Исламалда ругел гIолохъабазул
Машааллагь, гьайбатлъи «Инсаналъул»
Илагьияб нуралъ гвангъизабураб.
МАЖИДОВА ПАРИХАН
