ТIадегIанас кьурав Устар вуго мун
ТIадегIанас кьурав Устар вуго мун
Дагъистаналъул муфти, шайих АхIмад-афандиясде (къ.с.)
ХIалимаб рагIигун гIумру тIамулев,
ГIолеб гьаб гIелалъе мисаллъун вугев.
Нахъзаманаялъе кунчIиги кьолев,
ТIадегIанас кьурав Устар вуго мун!
Ракълие къолденлъун эхетун чIарав,
Улкадул чирахълъун аскIов гIагарав.
ГIумруялъул нухда лъикIлъи малъулев,
ГIасруялъ квер кьурав камилав Устар!
Исламияб гIелму нухда бачунев,
ГIумрудул тIалабал тIокIкIун лъалъалев.
ТIабигIат-гIамалалъ куцазабулев,
Канаб цIва бакулев нижер КIудияв!
АхIмад-хIажи гIураб гIумрудул къибла,
Къалъараб бакъ гIадин, бакула нижей.
ГIибадат берцинав шайих гIураб ракь,
Ракълие къолденлъун чIола эхетун.
Даража кибего щолеб Дагъистан,
Буго Устарасул баркаталъ щвараб!
Щибаб къойил какил кири гьарзаяб
Кибниги бугодай гьаниб гIадинаб?!
ГIумру камиллъизе щварав дир Устар,
Аллагьас сахлъи кьун, вохун таги мун!
ГIамал берцинлъизе ватарав шайих,
Щваги мурадалде, Аллагьас вачун!
