Аллагь разиго аги

Аллагь разиго аги

Итни талат бачIун

Хамиз рузман шун

Боржун унеб буго

Нилъер гьаб гIумру.

БачIана цоги къо

Анкьил байбихьи

Амма унеб батайги

Аллагь разилъун.

ЖахIда-хIусуд кIочон

Иман яхI цIцIикIкIун

Диналъул яц-вацал

Цоцазе рокьун.

ГIумру къокълъанагIан

Хьулал халалъун

ЖахIда-хIусудалъул

ЦIун буго дунял.

Кинавго чиясухъ

ГIенекканани

ЦIодорав гурони

Чи ватуларо.

Рихьулел щайтIаби

ТIагIине гьарун

Рекъел шулалъайги

Халкъазда гьоркьоб.

ТIаде балагьарав

Аллагь кIочон тун

Макру гIемеразе

Вакил мун вуго.

Нилъерал рукIа гьел

Чиярал рукIа

Чороклъи Аллагьас

Хехго бацIайги.

Чорокал гIамалал

Гьоркьоса тIагIун

ХIалхьи кье я Аллагь

ЗагIипал нижее.

 ХАНЗАДАЙ СУЛЕЙМАНОВА, ШАМИЛ РАЙОН, ХIЕБДА РОСУ