Сапар

РикIкIадал мугIрузде, Хиндахъ росулъе
Сапар бухьинарищ почтовой кагъат,
Хабал рагIалалда гIодобги рещтIун
Дир эбел-инсуе дугIа гьабизе.
ЦохIо йигей ясалъ рехун танилан
Къваридго ратила гьел дир умумул,
Унтаби цIикIкIана, херлъи бачIана,
Лъималазде аскIой юссине ккана.
РикIкIад йикIаниги рехун теларо,
Зикраби рачина, свалат битIила.
Садакъаде кверал кватIун теларо,
Бихьизе берцинаб дунялалъул рукъ.
Гьабизе бигьаяб, тезе захIматаб,
КигIан бечедасги босизе гьечIеб,
Щиб гурин гьабилеб, гьаб гIумруялда,
Тирулеб-сверулеб сагIат гIадинаб.

СУАЙБАТ, ШАМИЛ РАЙОН, ХЬИНДАХЪ РОСУ