Васасул кагъат
Васасул кагъат Васасул кагъат
КигIан бокьун бугеб гIумру гьабизе,
Ракълилаб доб болжал кверзукь бачине.
ТIубарал моцIаца лъимго бихьичIел,
ТIагIат-гIибадатул рацIцIалъи кквезе.
КигIан бокьун бугеб сахго хутIизе,
Рокъор хутIарал дол хъизан-лъималгун.
ЛъикIго ракI разилъун, гьелгунги кIалъан,
Рохалил ххулулеб магIу бацIцIине.
КигIан бокьун бугеб гIумру гьабизе,
ГIинда рагъул гъугъай рагIунгутIизе.
ГьикъичIеб доб балагь - хвалил гуллица
Щапулел ракьцоял рихьунгутIизе.
КигIан бокьун бугеб гIумру гьабизе,
ГIолохъанго рукIун яшав гIуцIизе.
Эбел-инсул ракIал рохизе гьарун,
ГIагараб ракьалде рокъор руссине.
