Баркула хирияб моцI
Аллагьасул расул кIодо гьавизе
Шагьру-рамазан моцI тIаде щун буго.
Баркатги рахIматги гьарзаго щолеб,
Щвана хирияб моцI бусурбабазе.
Аллагь вокьиялъул боркьараб кьвари,
Иман бугелаца тIубазабила.
ХIабибасул нуралъ гвангъун щвараб моцI,
ХутIугеги инсан шапагIат щвечIев.
ЛъагIалил моцIазул цIар берцинаб моцI,
Баркула нужеда, диналъул агьлу.
Бицун хIал кIоларин хириял сардаз
ДугIаялъ рессаги диналъул яцал.
Щивасул рокъобе рохел рещтIаги,
Щивасул рекIелъе иман тIинкIаги.
Аллагьасул цIобал цIикIкIун гвангъаги,
Рамазан моцIалъул хIурмат гьабизе.
