Гьарараб къабулаблъун букIана...

ГIумрудул баракат жаниб рещтIунеб,

РахIматал, шапагIат жаниб гIемераб,

Рамазан моцIалъул гIедегIиго щиб,

Щун букIин лъачIого ун батанин гьеб.

ЛъагIалида жаниб жиндир цIар тIокIаб,

МоцIазулъ хираго Бичас гьабураб.

Гьабураб гIамалги, гIужда бараб как,

Кири жиндилъ тIокIаб шагьру-Рамазан.

Шагьарал гвангъарал, чирхъал ракараб,

Умматалъе рохел жаниб бекьараб,

Бекьараб хур гIадаб, хуриб тIор гIадаб

БачIун-унеб бугин шапагIат гьаре

Гьарараб къабулаб шагьру-Рамазан,

Шагьаби кьечIого Бичас кьун тараб.

Тукадаса бичун босизе ккечIеб,

Давла бугин унеб, диналъул вацал.

РакIал чороказул ракIал рацIцIунеб,

РоцIараб зоб гIадаб къиматаб шагьру.

Къаси сардал рорчIун, къад гIамал гьабун,

Бичасе хIелулеб хIурматаб шагьру.

ХIакимасе хъулухъ хъатица кьолеб,

ТIагIат гIемерасе алжан рагьулеб,

Баракат нилъей тун унеб бугин мун,

Бичасде гьари бай, диналъул агьлу.

ЧIунтарал ракIазе дару букIанин,

БикIун накъищ рекIелъ жаниб хъван толеб.

Дур гIадаб хIурматгун адаб гьабизе,

Гьареги Аллагьас хутIарал моцIал.

ГIОЧIЛОСА ГIАБИД-ХIАЖИЯВ