КантIе, вацал

Инсанасул гIумру къокъаб жо буго,
Холеб къо лъалареб, хвалде чи ургъулареб.
Кидаго хвеларилан данде гьабулеб боцIи,
Хвезего гьечIев гIадин чIухIун гьабулеб кIалъай.
Вацал-яцал, гIагарлъи гIарцухъ хисулел руго,
Аллагьас рикъзи кьедал гьудул кIочонев вуго.
Кинабго битIун ккани, рохун бицунеб буго,
Къоял дагьлъулел рукIин лъазе бокьулеб гьечIо.
Щиб къварилъи кканиги кантIулев чиго гьечIо,
РакIал риццалъун руго, иман загIиплъун буго.
Аллагьасе гьабулеб тIагIат дагьлъун ккун буго,
Сардилъ балеб какалъе хIалихьалъун черх буго.
ГIемераб жо кIваричIо, хвел ракIалде щолесе,
Щибаб къоялъ гьабулеб лъикIаб гIамал гIеларищ?
Иман чорхолъ бугесе дуниял кин бокьилеб?
ГIумру бекерун унин, гьабе хвелалъул пикру.
Сахав муъминчиясе кIвар гьечIеб дунялалъул,
Дица хъварал жугьабаз кантIиялде хьул буго.

Низамудин Гъазиев, ЦIолода росу