Киназего бокьулеб «Ас-салам»
Киназего бокьулеб «Ас-салам»
Нижер божараб гьудул,
Нижер урхъараб гьобол,
Ниж чIалгIун рукIуна духъ,
ХIурматияб «Ас-салам».
Щиб суал кьунаниги
Жавабги батула духъ,
Киналго хIадисалги
РекIехъе лъала дуда.
Россиялде мун щола,
ГIорхъаби рахун уна,
ГIарабиялда ругез
Гъираялда цIалула.
ТIасияб соналдаги
Щивасе щвезе ккани,
Заман щун буго гьанже
Гьелъий тадбир гьабизе.
Гьеб хъвазе кьолел гъурщал, -
ЦIакъ кIудияб садакъа.
Киназдаго гуроха
Гьелъул балъголъи лъалеб.
Барахщуге, хириял
Диналъул яцал-вацал.
«Ас-салам» хъвазе кьолел
Гьел дагьалго гъурщазда.
Щивав чиясул рагьде
Чапар щай щвезе кколев?
«Ас-салам» хъваларищан
РакIалде щвезабизе.
Газет-журналал хъвазе,
Доб цебе заманалда,
Лъицаго ахIичIого
Унаан нилъ почалде.
Союз биххананиги
Почал жеги ругелъул,
Щайха гьенир унарел
«Ас-салам» хъвазе нилъги.
Нилъ бусурбабилъидал,
Щукру, АлхIамдулиллагь.
Исламалъул казият
Хъвазе щай барахщулел?
РачIаха, хIурматиял
Диналъул яцал-вацал,
Киназго цадахъ лъугьун
«Ас-салам» газет хъвазе.
Нилъейго щолеб кири
БорчIизе биччаларин,
Кидаго гуро щолеб
Гьадинаб рес нилъее.
